باس بەت   »ادەبيەت ايدىنى»  الەم جاڭالىقتارى»   شي جينپيڭ استاناعا باردى
شي جينپيڭ استاناعا باردى



قازاقستان رەسپۋبليكاسىنداعى مەملەكەتتىك ساپارىن باستادى، سونداي - اق شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 17 - رەتكى ماجىلىسىنە جانە استانا مامانداندىرىلعان الەمدىك كورمەسىنىڭ  اشىلۋ سالتىنا قاتىناسادى

مەملەكەت ءتوراعاسى شي جينپيڭ 7 - ماۋسىمدا ارناۋلى ۇشاقپەن قازاقستان رەسپۋبليكاسىنىڭ استاناسى استاناعا بارىپ، قازاقستان رەسپۋبليكاسىنداعى مەملەكەتتىك ساپارىن باستادى، سونداي - اق شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 17 - رەتكى ماجىلىسىنە جانە استانا مامانداندىرىلعان الەمدىك كورمەسىنىڭ اشىلۋ سالتىنا قاتىناسادى. شي جينپيڭدى اۋەجايدا قازاقستاننىڭ ءبىرىنشى ورىنباسار زۇڭليى اسقار مامين قاتارلىلار قىزۋ قارسى الدى.
شينحۋا اگەنتتىگىنىڭ 7 - ماۋسىمدا استانادان بەرگەن حابارى. مەملەكەت ءتوراعاسى شي جينپيڭ 7 - ماۋسىمدا ارناۋلى ۇشاقپەن قازاقستان رەسپۋبليكاسىنىڭ استاناسى استاناعا بارىپ، قازاقستان رەسپۋبليكاسىنداعى مەملەكەتتىك ساپارىن باستادى، سونداي - اق شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 17 - رەتكى ماجىلىسىنە جانە استانا مامانداندىرىلعان الەمدىك كورمەسىنىڭ اشىلۋ سالتىنا قاتىناسادى.
جەرگىلىكتى ۋاقىت بويىنشا كەشكى ساعات 7دەن 15 مينۋت وتكەندە شي جينپيڭ وتىرعان ارناۋلى ۇشاق استانا حالىقارالىق اۋەجايىنا كەلىپ قوندى. شي جينپيڭ ۇشاقتان شىققاندا، قازاقستاننىڭ ءبىرىنشى ورىنباسار زۇڭليى اسقار مامين قاتارلىلار باسپالداقتىڭ قاسىندا تۇرىپ قىزۋ قارسى الدى. جاستار شي جينپيڭگە گۇل ۇسىندى. قۇرمەت قاراۋىلى قىزىل كىلەمنىڭ ەكى جاعىندا ساپ تۇزەدى.
شي جينپيڭ قازاقستان حالقىنا جۇڭگو حالقىنىڭ ىقىلاستى سالەمىن جانە ىزگى تىلەگىن جەتكىزدى. ول بىلاي دەپ اتاپ كورسەتتى: جۇڭگو مەن قازاقستان تاۋ، وزەندەرى جالعاسقان تاتۋ كورشى، ەكى ەل حالقىنىڭ دوستىعى ۇزاق جىلدارعا جالعاسقان، تالاي زاماندى باستان كەشىرىپ، ءتىپتى دە جاڭارا تۇسۋدە. جۇڭگو مەن قازاقستان ديپلوماتيالىق قاتىناس ورناتقان 25 جىلدان بەرى، ەكى ەل ءوزارا ساياسي سەنىمدىلىكتى ۇزدىكسىز بەكەمدەپ، ءتۇرلى سالاداعى سەلبەستىكتەرىن تىڭعىلىقتى ىلگەرىلەتىپ، حالىقارالىق جانە وڭىرلىك ىستەردە تىعىز سايكەسىپ، ويداعىداي سەلبەستى. جۇڭگو - قازاقستان قاتىناسىنىڭ دامۋى ەكى ەل مەن ەكى ەل حالقىنا ناقتى يگىلىكتەر جاراتتى. بۇل رەت قازاقستانعا 3 - رەت ساپارلاي كەلىپ وتىرمىن، مەن جۇڭگو - قازاقستان قاتىناسىنىڭ كوركەم بولاشاعىن نازاربايەۆ زۇڭتۇڭمەن بىرگە جوسپارلاۋدى، ەكى ەلدىڭ جاپپاي ستراتەگيالىق سەرىكتەستىك قاتىناسى سەلبەستىگىن ءتىپتى دە جوعارى دەڭگەيگە كوتەرۋدى ءۇمىت ەتەمىن.
شي جينپيڭ بىلاي دەپ باسا دارىپتەدى: مەن شاڭحاي سەلبەستىك ۇيىمىنا مۇشە ەلدەر باسشىلارىنىڭ ماجىلىسىندە تاراپتارمەن وسى ۇيىمنىڭ ماڭىزدى ىستەرى جانە ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرۋدى، ۇيىمنىڭ بولاشاق دامۋىن اقىلداسىپ، ءتۇرلى سالاداعى سەلبەستىكتەردى ىلگەرىلەتۋدى ءۇمىت ەتەمىن.
شي جينپيڭ استانا مامانداندىرىلعان الەمدىك كورمەسىنىڭ تابىستى بولۋىنا تىلەكتەستىك ءبىلدىردى.
ۋاڭ حۋنيڭ، لي جانشۋ، ياڭ جيەچى قاتارلىلار شي جينپيڭمەن بىرگە كەلدى.
استانادا شاڭحاي سەلبەستىك ۇيىمىنا مۇشە ەلدەردىڭ 14 - رەتكى مەملەكەت قورعانىس مينيسترلەر ماجىلىسىنە قاتىناسىپ جاتقان مەملەكەتتىك كەڭەستىڭ مۇشەسى، مەملەكەت قورعانىس مينيسترى چاڭ ۋانچۋان، جۇڭگونىڭ قازاقستاندا تۇراتىن باس ەلشىسى جاڭ حانحۇيلار دا اۋەجايعا قارسى الۋعا شىقتى.

كەلۋ قاينارى: شينجياڭ گازەتى
http://kazakh.xjdaily.com


سوڭعى قوسىلعان جازبالار

قاتىستى باعالار

  加载评论内容,请稍等......