ءتىلشىمىز لۋ فىڭباۋ 4 - ماۋسىمدا شي - اننان حابارلايدى. 4 - ماۋسىمدا 2017 - جىل جىبەك جولى حالىقارالىق كورمەسى جانە 21 - كەزەكتى جۇڭگو شىعىس - باتىس بولىكتەرىنىڭ سەلبەستىگى مەن قارجى قوسۋ - ساۋدا جارمەنكەسىندە شينجياڭ ۋاكىلدەر ۇيىرمەسى قوماقتى تابىستارعا قول جەتكىزدى، ساۋداگەر شاقىرىپ، قارجى ەنگىزۋ بويىنشا جالپى 95 سەلبەستىك نىسانعا قول قويىپ، جالپى سوماسى 33 ميلليارد 642 ميلليون يۋانعا جەتىپ، الدىڭعى كەزەكتەگىدەن %20.24ارتتى. 

سول كۇنى شينجياڭ ۋاكىلدەر ۇيىرمەسى جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەل ىلگەرىلەتۋ جونىندە تانىستىرۋ ءماجىلىسىن جانە نىساندارعا قول قويۋ سالتىن وتكىزىپ، ساۋداگەر شاقىرىپ، قارجى ەنگىزۋ بويىنشا جالپى 95 سەلبەستىك نىسانعا قول قويدى. بۇندا نەگىزىنەن ەلەكتر، جابدىق جاساۋ، اۋىل شارۋاشىلىعى جانە اۋىل شارۋاشىلىعىن وسىزامانداندىرۋ، توقىماشىلىق، كيىم - كەشەك سياقتى 14 سالانى قامتىدى. 

كاسىپ سالاسى بويىنشا قاراعاندا، وسى رەت قول قويىلعان نىساندار بۇرىنعىداي 2 - كاسىپكە شوعىرلاندى، 2 - كاسىپ نىسانىنان جيىنى 59ىنا قول قويىلىپ، جالپى سوماسى 17 ميلليارد 216 ميلليون يۋانعا جەتتى؛ سونىمەن بىرگە 3 - كاسىپ نىساندارىنىڭ يەلەگەن سالىستىرماسى ۇزدىكسىز جوعارىلاپ، جالپى 31 نىسانعا قول قويىلىپ، جالپى سوماسى 15 ميلليارد 886 ميلليون يۋانعا جەتتى. بۇدان تىس، كاسىپ سالاسى بويىنشا شينجياڭعا باعىتتامالى كومەكتەسۋ ورنىقتى قاداممەن دامىدى، وسى رەتكى كەلىسىمگە قول قويۋدا شينجياڭعا باعىتتامالى كومەكتەسەتىن ولكە، قالالارداعى كاسىپورىندار رايونىمىزبەن 60 نىسانعا قول قويىسىپ، جالپى سوماسى 19 ميلليارد 936 ميلليون يۋانعا جەتىپ، سىرتقى ولكەلەرمەن قول قويىلعان كەلىسىمدەگى جالپى سومانىڭ %74.65يەلەپ، قول قويىلعان كەلىسىمدەگى جالپى سوما ۇقساس مەزگىلدەگىدەن %43.44ارتتى. 

شينجياڭ ۋاكىلدەر ۇيىرمەسىنىڭ ورىنباسار باستىعى، اۆتونوميالى رايوندىق ساۋداگەر شاقىرۋ، دامىتۋ مەكەمەسىنىڭ باستىعى نيجات سىمايىل بىلاي دەدى: بيىل اۆتونوميالى رايون قاجەتتەن اسىپ قالعان ءوندىرىس قۋاتىن ازايتۋدىڭ مىندەتتەرىن ۇزدىكسىز ارقاۋ ەتىپ، قامداۋ جاعىنداعى قۇرىلىمدىق رەفورمانى ورنىقتى قاداممەن ىلگەرىلەتىپ، ءتۇيىندى قارجى قوسۋ وڭىرلەرىندە ساۋداگەر شاقىرىپ، قارجى ەنگىزۋدە كورنەكتى تابىستارعا قول جەتكىزدى. كەلەسى قادامدا ءبىز كاسىپورىنداردى قۋزاپ، ولارعا ويداعىداي قىزمەت كورسەتىپ، قول قويىلعان نىسانداردىڭ ءساتتى تياناقتانۋىنا مۇمكىندىك جاسايمىز.

جاۋاپتى رەداكتورى : نۇربولات قابىل ۇلى

كەلۋ قاينارى: شينجياڭ گازەتى

http://kazakh.xjdaily.com