ءبىر شاۋگىم شاي

ءبىر شاۋگىم شاي بارما ەدى-اۋ ەستەرىڭدە
قارا شاۋگىم قاينايتىن مەشتەرىڭدە
قايران انام مالىنىپ قاراتەرگە
تاڭەرتەڭ،تۇس قۇياتىن كەشتەرىڭدە

قويدىڭ قيى وتىنى قۇرعاقتالعان
قارا مورجا تۇتىنى بۋداقتالعان
تاڭ بوزىنان تۇراتىن قايران انام
ءبىر شاۋگىم شاي قۇياتىن قايماقتالعان

تەزەك تەرىپ كەلۋشى ەك قىراتتاردان
سۋ اكەلىپ قۇياتىن بۇلاقتاردان
قارا شاۋگىم قالدىڭ-اۋ قارا قوستا
قانات قاعىپ وزىڭنەن جىراقتاعان

ءبىر شاۋگىم شاي ىشەيىك سىر اقتارىپ
انامىزدى ەشقاشان جىلاتپايىق
كەلىپ كەتىپ تۇرايىق ساعىنىشپەن
ايلار ەمەس ارا كۇن ءبىر اپتالىق
قارا مەشىڭ قۇت بولىپ تۇرا بەرسىن
تامعان تەرى انامىنىڭ قولاتپايىق