نۇراقىمەت ءىبىراھيموۆ (ىبىرايەۆ) 1986-جىلى 9-اي 15-كۇنى قابا اۋدانى سارتام اۋىلدىعى كوكتۇمسىق قستاعىندا دۇنيەگە كەلگەن. 1993−2002–جىلدار سارتام اۋىلدىق مالشىلىق جاتاقتى مەكتەبىنەن باستاۋىش جانە ورتالاۋ، 2002−2005-جىلدار اۋداندىق 1-ورتا مەكتەپتەن تولىق ورتا بىتىرگەن. 2005−2009-جىلدار «شينجياڭ تيانشان كاسپتىك تەحنيكا شۋەيۋانىندا» ورىس ءتىلى كاسىبىنەن ارناۋلى كۋرس (داجۋان) وقي ءجۇرىپ، اۆتونوم رايون جوعارى وقۋ–اعارتۋىنىڭ وزدىگىنەن ۇيرەنۋ جۇيەسىنەن حانزۋ ءتىل اۋدارماشىلىق كاسىبىن قوسىمشا وقىپ، تولىق كۋرس (بىنكى) ماعلۇماتىنا يە بولعان. 2009- جىلى 12- ايدا اۋەسى بويىنشا ءوز ەركىمەن اسكەرگە تىزىمدەلىپ، 2011-جىلى 12–ايعا دەيىن قۇلجا قالالىق شەكارا قورعانىس باس اتىرەتىنىڭ شۇعىل جاعدايعا توتەپ بەرۋ ۇلكەن اتىرەتىندە اسكەري مىندەت وتەگەن. 2012–جىلى 8–ايدا اۆتونوم رايوننىڭ ەرەكشە ورىندارعا «تىگاڭ» وقتۋشى قابىلداۋ ءبىرتۇتاس ەمتيقانننان سارالانىپ، بەيتۇن قالاشىق ورتالاۋىنا دەنەتاربيە وقتۋشىسى بولىپ قابىلدانىپ، ول ورىندا 2014-جىلى 11-ايعا دەيىن ىستەپ، 2014-جىلى 12-ايدا تاعىدا اۆتونوم رايوننىڭ قىزمەتكەر قابىلداۋ ءبىرتۇتاس ەمتيقانىنا قاتىناسىپ، جەمەنەي اۋداندىق قوعام حاۋىپسىزدىك مەكەمەسىنە قىزمەتكەر بولىپ قابىلدانىپ، 2014-جىلى 12-ايدان 2016-جىلى 1-ايعا قۋرايتى تەكسەرۋ پونكتىندە ىستەپ، 2016-جىلى 2-ايدان 2017-جىلى 1-ايعا دەيىن قاتىناس ساقشى ۇلكەن اتىرەتىندە، 2017-جىلى 2-ايدان 2019-جىلى 1-ايعا دەيىن شارلاۋ-قورعانۋ ۇلكەن اتىرەتىندە، 2019-جىلى 2-ايدان 2021-جىلى 1-ايعا دەيىن قاتىناس ساقشى ۇلكەن اتىرەتىندە، 2021-جىلى 2-ايدان قازىرگە (2022-جىلعا) دەيىن جەمەنەي اۋداندىق ساقشى مەكەمەسىنىڭ شارلاۋ-قورعانۋ ۇلكەن اتىرەتىندە ورىنباسار اتىرەت باستىعى مىندەتىن اتقارۋدا. ول اسكەري مىندەت وتەگەن 2010–جىلى «ۇزدىك جاۋىنگەر» داڭق وردەنىمەن ماراپاتتالعان، 2017-جىلدان 2019-جىلعا دەيىن ۇزبەي 3 جىل جەمەنەي اۋداندىق قوعام حاۋىپسىزدىك مەكەمەسى جاعىنان «ىلعار ساقشى» بولىپ باعالانىپ سيلانسا، 2019 -جىلى التاي ايماقتىق قوعام حاۋىپسىزدىك مەكەمەسى ساياسي باسقارماسى جاعىنان «ىلعار تاربيەشى» سيلىعىمەن ماداقتالعان. نۇراقىمەت قوعام حاۋىپسىزدىك سالاسىندا قىزمەت ىستەپ، مەملەكەتتىڭ تۇتاستىعىن، قوعامنىڭ ورنىقتىلىعىن، ۇلتتاردىڭ ىنتىماعىن قورعاۋدى داڭق سانايتىن، مەكەنى مەن ەلىن قورعاۋدى ازاماتتىق بورىش دەپ تانىپ، قىزمەتىن بار ىنتا-پەيىلىمەن ءسۇيىپ ىستەيتىن، مۇراتتى، ءمورالدى، ۇلتىمىزدىڭ زور ۇمىت كۇتكەن ارقالى ازاماتتارىنىڭ ءبىرى. ءبىز ازاماتىمىزدىڭ باعىنىڭ جانىپ جولىنىڭ اشىق بولۋىن، ابىرويىنىڭ اسقاقتاۋىن، ەسىمى ەل ەسىندە بولار جارامدى ازامات بولىپ جەتىلۋىن شىن جۇرەكتەن تىلەيمىز!