داكەن ءىبىراھيمۆا (ىبىرايۆا) 1981-جىلى 4-ايدىڭ 20-كۇنى قابا اۋدانى سارتام اۋىلدىق كوكتۇمسىق قستاعىندا دۇنيەگە كەلگەن. 1989−1998-جىلدار سارتام اۋىلدىق مالشىلىق جاتاقتى مەكتەبىنەن باستاۋىش، ورتالاۋدى ۇزدىك ناتيجەمەن اقىرلاستىرىپ، 1998-جىلى كۇزدە ىلە قازاق وبلىستىق قازىنا-ساۋدا مەكتەبىنىڭ قازىنا بۇعالتىرلىق كاسىبىنە قابىلدانىپ، 2002-جىلى 8-ايعا دەيىن سول مەكتەپتە وقىپ ورتا تەحنيكوم (جۇڭجۋان) ديپلومىن الۋمەن قاتار، اۆتونوم رايوندىق قازىنا ينستيتۋتىنىڭ بۇعالتىرلىق كاسىبىنەن سىرتتاي وقىپ، ارناۋلى كۋرس (داجۋان) ديپلومىن جانە ەمتيقان ارقىلى بۇعالتىرىلىق تولىمدىلىق كۋالىگىن العان. اۋىلعا ورالعان سوڭ، قابا اۋداندىق قازىنا مەكەمەسىندە 2002-جىلى 9-ايدان 2004-جىلى 6-ايعا دەيىن ۋاقىتتىق ىستەپ ءجۇرىپ، 2004-جىلى 7-ايداعى قابا اۋدانىندا اشىلعان اشىلى مىس كەنىنىڭ تۇڭعىش رەتكى قىزمەتكەر قابىلداۋ ەمتيقانىنان ءوتىپ، مىس كەنىنىڭ لاباراتوريا (حۋايۋانشى) بولىمىنە قابىلدانىپ، وندا 2008-جىلى 9-ايعا دەيىن قىزمەت ىستەگەن. 2008-جىلى 10-ايدان 2010-جىلى 6-ايعا دەيىن قابا اۋدانى كولباي اۋىلدىق ەمحاناسى مەن قابا اۋداندىق انا–بالالار دوحتىرحاناسىنىڭ اقى الۋ بولىمىندە ىستەگەن. 2010-جىلى 7-ايدا قابا اۋداندىق ادام كۇش بايلىعى مەكەمەسىنە الماسىپ بارىپ، قازىرگە دەيىن (2022-جىلعا دەيىن) وسى مەكەمەنىڭ قازىنا بولىمىندە كاستىرلىك مىندەت وتەيدى. وسى ارالىقتا ىستەي ءجۇرىپ سىرتتاي وقىپ، تولىق كۋرس (بىنكى) ماعلۇماتىنا يە بولعان. داكەن اتاسى ءىبىراھيم (ىبىراي) كۇدەرباي ۇلى سىندى حالىق قادىرىنە بولەنگەن، اق ەدىل ابىز قارتتىڭ ونەگەلى وت باسى تاربيەسىن العان، تۇرمىستا ۇنەمشىل، قاراپايىم، ادامدارعا مەيىرىمدى، كوپشىل، كاسىپتەستەرىمەن شىعىسىمدى، قىزمەتتە وزىنە قاتاڭ تالاپ قويىپ، كاسىپتىڭ مۇددەسىنەن شىعۋدى وزىنە باستى ولشەم ەتەتىن، قىزمەت ورنىنىڭ تالابىنان شىعىپ تاڭداۋلى باعا العان تاڭداۋلى قىزمەتكەر. سەميا جۇمىسىنا كومەكشى اتا-ەنەسى جوق، جۇبايى شالعاي اۋىل-قىستاقتا قاربالاس قىزمەتتە بولعاندىقتان، سەميانىڭ بارلىق جۇمىستارى مەن ەكى پەرزەنتىن باعىپ-قاعۋ، وقۋعا اپارىپ-اكەلۋ ساباعىنا جەتەكشىلىك ەتۋ قاتارلى جۇمىستاردىڭ ءبارىن بايسالدىلىقپەن قاباق شىتپاي ءوزى تىندىراتىن، سەميادا ارداقتى جۇباي، قورمال انانىڭ ۇلگىلى جاندى ۋاكىلدەرىنىڭ ءبىرى دەۋگە ابدەن تولىمدى. ال، كورشى-قولاڭ، اعايىن-تۋىستاردىڭ كوپپەن بىتەتىن جۇمىستارىن ءوز جۇمىسىنان ارتىق كۇيىنىپ، جاۋاپكەرشىلىكپەن ىستەيتىن بەرەكەنىڭ ۇيتقىسى.