حابار تاقىرىبىن اۋدارۋ تۋرالى از ايال

浅谈新闻标题翻译技巧

وقىرماندار حابار كورگەندە نەمەسە گازەت-جۋرنال وقىعان كەزدە ەڭ الدىمەن ادەت بويىنشا تاقىرىبىن كورىپ نەمەسە شولىپ شىعادى دا ءوزىنىڭ كورۋگە نەمەسە وقۋعا ءتيىستى مازمۇنىنا دەن قويادى. سوندىقتان تاقىرىپتىڭ جاقسى اۋدارىلۋ-اۋدارىلماۋى سايىپ كەلگەندە، سول حاباردىڭ قۇندىلعى جانە تارالۋ ونىمدىلگىنە سونداي-اق ىقپالىنا تىكە اسەر ەتەدى. وسى سەبەپ تۇرعسىنان احبارات اۋدارما قىزمەتكەرلەرى دە حابار تاقىرىبىنىڭ اۋدارماسىنا ءسوزسىز مۇقيات بولىپ، حابار تاقىرىبىن جاقسى اۋدارعاندا كورەرمەن نەمەسە وقىرمان نازارىن سول حابارعا اۋدارا الادى حاباردىڭ تاقىرىبى حابار مازمۇنىنىڭ وزەكتى يدەياسى ءارى ايتپاقشى ويى. قازاقشا-حانزۋشا حابارلاردىڭ تاقىربىنداعى ۇقساستىق پەن ۇقساماستىققا تالداۋ جاساپ تۇرۋ، حانزۋشا حابار تاقىرىپتارىنىڭ قازاقشاعا دۇرىس اۋدارىلۋىنا پايدالى ەكەنىن ايتا كەتپەكشىمىن. 

حاباردىڭ تاقىرىبى جونىنەن الىپ ايتقاندا حانزۋشا حاباردىڭ تاقىرىبى مەن قازاقشا حاباردىڭ كوپتەگەن ۇقساستىقتارى بار. ەڭ الدىمەن ەكەۋى دە حاباردىڭ ماڭىزدى قۇرامداس بولىگى، حابار مازمۇنىنىڭ ىقشام، قىسقا دا نۇسقا، ايشىقتى بەينەلەنۋى، حانزۋشا حابار بولماسا قازاقشا حابار بولسىن، ەكەۋىنىڭ دە ۇقساس فۋنكتسياسى جانە ەرەكشەلىكتەرى بولادى. مىنە بۇل وقىرماننىڭ قىسقا ۋاقىت ىشىندە حاباردى تالداۋىنا، وقۋىنا جانە حابار مازمۇنىن تۇسىنۋىنە قولعابىس ەتەدى. ودان قالسا حابار-وشار وبيەكتيۆ ادىلدىكتى دارىپتەيدى. الايدا كوپتەگەن حابارلاردىڭ تاقىرىبىندا ءبىرشاما كورنەكتى ساياسي نىساي قامتىلىپ جاتادى. احبارات دانەكەرلەرىنىڭ رەداكتورلارى ۇنەمى تاقىرىپ سىندى وسى ورايدى كورنەكتى ساۋلەلەندىرىپ حاباردىڭ مازمۇنىن تولىق قامتىعان ىقشام تاقىرىپ جاساۋ مەن بىرگە ءوزىنىڭ ساياسي باعىتىن دا سىڭىرە كەتىپ، احبارات دانەكەرلەرىنىڭ ساياسي باعدارىن تولىق كورسەتەدى، ءارى ءوزىنىڭ ساياسي ۇستانىمىن ۇگىتتەپ، جاماعات پىكىرىنە دۇرىس جەتەكشىلىك ەتە الادى. ودان قالسا ماقالا جازۋ بارىسىندا حانزۋشا، قازاقشا حابار تاقىرىپتارى سان ەكشەۋدەن وتكەن، ءتىلى قاراپايىم، ءمانى تەرەڭ بولىپ كەلەدى. بىلايشا ايتقاندا حابار تاقىرىبىنا قولدانىلاتىن سوزدەردىڭ بارلىعىن التىن دەۋگە ابدەن بولادى.

ۇقساماستىقتارى :

قازاقشا جازۋ سالستىرمالى تۇردە ءبىرشاما ۇزىنداۋ، يەلەيتىن كەڭەستىگى دە ءبىر شاما ۇلكەن كەلەدى، سوندىقتان تاقىرىپقا قولدانىلاتىن سوزدەردى بارىنشا قىسقا الۋ قاجەت. ال كەرسىنشە حانزۋشانىڭ ءارىپتى از يەلەيتىن كەڭىستىگى دە ءبىر شاما شاعىن، ودان قالسا حانزۋ ءتىلى ءسوز تىركەستەرىنىڭ بەرەتىن ماعىناسى ءبىرشاما تەرەڭ بولاتىندىقتان ۇقساس كەڭستىكتە كوپ ماعىنانى بويىنا قوندىرا الۋدان تىس تاقىرىپتا ويىن جەتكىزىپ تولىق جازا الۋىنا بولادى. بۇلاي بولعاندا ينفورماتسيانىڭ ۇستايتىن مولشەرى دە ارتا تۇسەدى. تومەندە ءبىر حاباردىڭ تاقىرىبىن سالستىرىپ كورەيىك:

1.俞正声率团在阿勒泰看望慰问各族干部群众。

1.يۇي جىڭشىڭ التايداعى ءار ۇلت كادىرلارى مەن بۇقاراسىنان حال سۇرادى

كەڭستىك ۇنەمدەۋ ءۇشىن قازاقشا حابار تاقىرىبى ءتۇرلى ادىستەردى قولدانا وتىرىپ، قىسقارتۋعا كەلەتىندەرىن قىسقارتىپ شىققان. ادەتتە قازاقشا تاقىرىپ ءبىر جولمەن بولادى. كوپتەگەن تاقىرىپتاردىڭ ىشىندە ەتستىك، ۇستەۋ، قوسىمشا قاتارلىلاردىڭ بارلىعى قىسقارتىلادى. 

حان تىلىندە رەداكتورلار حابار تاقىرىبىن جازعان كەزدە بەت كەڭستىگى جاعىنداعى قىسىمى ءبىرشاما از، سوندىقتان حانزۋشا تاقىرىپ ءبىر شاما كوپتەۋ بولا الادى. ماڭىزدى حابار ۋاقيعالار بولسىن تاقىرىپتارى كوبىندە ەكى جولدى، كەيدە ءۇش جولدى بولىپ كەلەدى. ەگەر قازاقشا حابار تاقىرىبىن قىسقارتۋدىڭ ەرەكشەلىكتەرىن تولىق يەلەپ، ءارى قازاقشا مەن حانزۋشا حابار تاقىرىبىنىڭ ورتاقتىعى مەن پارىقىن قورىتا بىلسەك، حابار تاقىرىبىن قازاقشاعا اۋدارۋ سالستىرمالى تۇردە وڭايلاسىپ، اۋدارىلعان مازمۇن دا سايكەس شىعىپ، كورەرمەن نەمەسە وقىرمان جەڭىل قابىلداي الادى.

بۇندا ەڭ الدىمەن تاقىرىپتىڭ تەرەڭ استارىن تۋرا ءتۇسىنۋ كەرەك. قازاقشا حابار تاقىرىبىندا ءسوز بارىنشا قىسقارتىلادى. ياعىني كوپتەگەن ينفورماتسيا مەن ءسوز تىركەستەرى قىسقارىپ قالادى. سوندىقتان حانزۋشا حابار تاقىرىبىن قازاقشاعا اۋدارۋدان بۇرىن حانزۋشا حاباردىڭ ماعىناسىنا مۇقيات تالداۋ جاساپ، ماعىناسىن دۇرىس، تولىق تۇسىنگەننەن كەيىن بارىپ اۋدارعاندا عانا سايكەستى تۋرا ماعىناسىن شىعارۋعا بولادى. دەمەك اۋدارىلاتىن تاقىرىپتىڭ ماعىناسىن تولىق تۇسىنگەندە عانا اۋدارۋ بارىسىندا تۋىلاتىن قاتەلىكتەردەن بارىنشا ساقتانۋعا بولادى.

اۆتوردىڭ قىزمەت ورىنى : شينجياڭ قابا اۋدانى راديو-تەلەۆيزيا مەكەمەسى اۋدارما ءبولىمى