باس بەت   »ادەبيەت ايدىنى»  قابا حابارلارى»   اسەن جۇمانىڭ قىستاقتاعى 2 ـ ءۇيى
اسەن جۇمانىڭ قىستاقتاعى 2 ـ ءۇيى

ەرىكتى تىلشىلەر داي ۋيلي، ليۋ مەيحۋا حابارلايدى.جۋىردا، ءتىلشى قابا اۋدانى سارتام اۋىلىنىڭ اقتوبە قىستاعىنا بارىپ وتباسىن ارالاعاندا، جاڭا ۇيىنە ەندى عانا كوشىپ كىرگەن اسەن جۇمانىڭ اۋلا قورعانىن جاماپ جاتقانىن، ايەلى ريزۋانگۇل تۇردىنىڭ ءبىر توپ شوجەگە جەم بەرىپ جۇرگەنىن كوردى.

بيىل 3 ـ ايدا اسەن جۇما ەرلى ـ زايىپتى ەكەۋى اقتوبە قىستاعىنا كەلدى. بىرگە جۇرگەن قىستاق كادرى بىلاي دەدى: ولار قاشقار ايماعىنىڭ يىڭسار اۋدانىنان قىستاعىمىزعا كەلىپ قىستاق تۇرعىندار كوميتەتىنىڭ ورتا تازالىعى، تاماق ىستەۋ قاتارلى جۇمىستارىنا جاۋاپتى بولدى.

اسەن جۇما بيىل 37 جاستا، ايەلى ريزۋانگۇل تۇردى 36 جاستا، جاس ءارى قايراتتى كەزدەرى. ەرلى ـ زايىپتى ەكەۋى ءار كۇنى تاڭ بوزىنان تۇرىپ، قىستاق تۇرعىندار كوميتەتىنىڭ اسحاناسىندا تاڭعى اس دايىندايدى ءارى قىستاق تۇرعىندار كوميتەتى اۋلاسىنىڭ ءىشى ـ سىرتىن تازالايدى.

ەكەۋى تاماقتى تەز ىستەۋمەن بىرگە، اسەن جۇما اعاششىلىق، مانتورلىق جانە لايشىلىق جۇمىستارىمەن دە شۇعىلدانادى. جايشىلىقتا ماڭايداعى قىستاق تۇرعىندارى قانداي قيىن ىسكە جولىقسا، ەرلى ـ زايىپتى ەكەۋى دە كومەك قولىن سوزىپ، قىزۋ ىنتامەن كومەكتەسەدى. ۋاقىتتىڭ وتۋىمەن، قىستاق ”ەكى كوميتەتى“ القاسى، قىستاقتا تۇراتىن قىزمەت اترەتى جانە قىستاق تۇرعىندارى ولارعا ءدان ريزا بولدى.
ءبىر جولى ەرلى ـ زايىپتى ەكەۋى اۋىل ورتالىعىنا بارىپ دۇكەننەن كۇندەلىكتى تۇتىنۋ بۇيىمدارىن ساتىپ الادى، اقشادان قىسىلىپ ـ قىمتىرىلعاندىقتان، ولار كەيبىر زاتتاردى قايتارماق بولادى. بۇل جاعدايدى وسى ارادان ءوتىپ بارا جاتقان قىستاقتىڭ 1 ـ شۋجيى ورەن جۇبايقان ۇلى كورىپ قالادى.

ـــ ەرلى ـ زايىپتى ەكەۋى قىزمەت اترەتىمىزبەن دوستاسىپ تۋىس بولعان، سول كۇنى قىزمەت اترەتىنىڭ ورىنباسار باستىعى ەكەۋىمىز جۇمىسپەن اۋىلعا بارعان بولاتىنبىز، اقىلداسا كەلە ءبىز ولاردىڭ زات ساتىپ العان 200 يۋان اقشاسىن تولەدىك، تاعى 400 يۋان شىعارىپ ەرلى ـ زايىپتى ەكەۋىنە جاڭا كيىم الىپ بەردىك ـ دەدى ورەن.

ءاسىلى، ەرلى ـ زايىپتى ەكەۋى اي سايىن قارىز قايتارادى، 3 بالاسىن اكە ـ شەشەسىنە ۋاقىتشا قاراۋعا قالدىرىپ كەتىپتى، اتا ـ اناسىنا دا تۇرمىستىق قاراجات جىبەرىپ تۇرۋى كەرەك. سونىمەن، ەكونوميكالىق جاقتا شىنىندا، قيىنشىلىققا تاپ بولىپتى.

قىسقا عانا 3 ايدان استام ۋاقىت ارالاسۋ بارىسىندا ەرلى ـ زايىپتى ەكەۋى كوپشىلىكپەن بىتە قايناسىپ، ولار دا بىرتە ـ بىرتە وسىندا تۇراقتاپ تۇرىپ تۇرمىس كەشىرۋ ويى تۋىلدى.

قىستاق ”ەكى كوميتەتى“ القاسى مەن قىستاقتا تۇراتىن قىزمەت اترەتى اقىلداسقاننان كەيىن ولاردىڭ قىستاقتان قۇبىر سۋى، ەلەكترى، پارى بار جالعا الاتىن ءۇي تابۋىنا كومەكتەستى. 7 ـ ايدىڭ 7 ـ كۇنى، ولار جالعا العان جاڭا ۇيىنە كوشىپ كىردى. كورشىلەرى ولارعا سىرماق قاتارلى تۇرمىستىق بۇيىمدار اكەلىپ بەرسە، قىستاق 20 نەشە تاۋىق بالاپانىن بەردى.

ورەن بىلاي دەدى: الداعى جەردە اۋىل جانە قىستاق بولىپ، ولاردىڭ ءوندىرىستى دامىتۋىنا كومەكتەسىپ، ارتىقشىلىقتارىن ساۋلەلەندىرۋىنە مۇمكىندىك جاساپ، دەربەس يگىلىك جاراتىپ، تۇراقتاپ تۇرۋىنا جانە اۋقاتتانۋعا قول ۇشىن بەرەمىز.

اسەن جۇما: قارىزىمدى نەگىزىنەن قايتارىپ بولدىم، قىستاقتا 2 ـ ءۇيىم دە بار بولدى، اۋلاما كوكونىس ەگىپ، جىلى قورا سالىپ، قوي ـ سيىر باعىپ، ورنىعىپ العان سوڭ بالالارىمدى اكەلىپ الامىن. ادام قاجىرلى، ەڭبەكشىل بولسا، جاقسى كۇندەر تىم الىس ەمەس - دەدى بولاشاق ويى جونىندە ەسەپ كورسەتىپ. 


اۋدارعان ساعىنبەك رابات ۇلى
جازبا التاي گازەتىنەن الىندى


سوڭعى قوسىلعان جازبالار

قاتىستى باعالار

  اشىلۋ ۇستىندە...