ماحاببات ماڭگى ەرتەگى 更新日期:2019-12-03 02:02:21    553人参与了访问

ماحاببات ماڭگى ەرتەگى

1. ەكى مارجان


دۇيسەن اقات ۇلى

قىمبات شاقتار

ماي ايىنىڭ اياعى،
باي ومىردىڭ تۇنىندە.
تۇردىق ساۋلە باياعى،
اققايىڭنىڭ تۇبىندە.

اۋىلىڭا بارعان كۇن،
تانىسپ ەم سەنىمەن.
اق كەپتەرى ارماننىڭ،
قاۋىشىپ ەد سەنىممەن.

نۇرىن قۇشىپ اققايىڭ،
سىرعا شومىپ ءبىز كەتتىك.
كۇنبەتىندەي التايدىڭ،
ماحابباتتى بۇرلەتتىك.

جانىڭ ۇياڭ سەزىلدى،
جانارىڭنان نۇر كوردىم.
بىرگە ايالاپ سەزىمدى،
بارلىعىندا ءبىر كوردىڭ.

مال سوڭىندا ەرجەتتىك،
مالشىنىپ قار، جاۋىنعا،
جۇرەك قىلىن تەربەتتىك،
ۇلگى بولىپ اۋىلعا.

توشالاداي تورسيعان،
تولىق ءبىزدىڭ دەنەمىز.
ماحابباتتى تاڭ سۇيگەن،
سولعىندايدى دەمەڭىز.

تولقىپ ويىم تەڭىزدەي،
وتكەن كۇنگە اۋدى ەسىم.
ءۇي جۇمىسى دەگىزبەي.
زىر جۇگىردىڭ ساۋلەشىم.

ساۋلەشىم-سەرىگىم

تەل وسكەنبىزسىرلاسىپ باقتى اۋىلدا،
تۋعان جەردىڭ ءبىر شىقتىق اسقارىنا.
بەرەكەمەن وتىرىپ بەت جۋعانبىز،
سىڭعىرلاعان جايلاۋدىڭ باستاۋىنا.

تانىس ەدىڭ سول شاقتان سان سىنادىڭ،
سەنەن وزگە دەدىڭ بە ارتىلار كىم؟!
كەتتىك ءوسىپ ىلەزدە ەكەۋىمىزدە،
مول ءبىلىمنىڭ ءسىمىرىپ تامشىلارىن.

كوزىم سەنىڭ ءسۇرىنىپ بۇرىمىڭا،
قىزىقپاعام بەتىڭنىڭ قىزىلىنا.
عاشىق بولدىم سالماقتى مىنەزىڭمەن،
ورىن تاۋىپ نازدانعان قىلىعىڭا.

قايىرما: ساۋلەشىم سەرىگىم،
گۇلىسىڭ سەزىمنىڭ.
جانىمدى باۋراعان،
جانارى كوزىڭنىڭ.

2. سەن سەزبەگەن ماحاببات

دارىنگۇل قادىل قىزى

ىزگىلىكتىڭ ۇياسى-اۋ كوزىڭ بالكىم،
كوزىڭدى دە ساعىنار كەزىم بار شىن.
جان سىرىمدى شەرتۋگە ءتىل بارمايدى،
ساعىنىپ جۇرسەمداعى ءوزىڭدى ءار كۇن.

مەن سەنى باسقا قىزدان قىزعانامىن.
جارالعان قىزعانۋعا قىز بالامىن.
جانارىمدى جاسىرىن قاداسامدا،
جۇرەگىمنىڭ سەزبەدىڭ سىزداعانىن.

سول ارمانعا جەتپەسپىن، جەتەرمىن بە؟
كەتىرمە مەنى وزگەنىڭ جەتەگىندە.
ساعان ىڭكار جۇرەككە ەم تابا الماي،
قامىعۋمەن تىرلىكتەن وتەمىن بە؟!

بالكىم سەنىڭ باسقا ءبىر سىڭارىڭ بار،
ماعان عانا تاۋەلدى ءسىرا مۇڭ-زار.
سەنى ءسۇيىپ بارىنەن ارتىق كورگەن،
ءبىر ارۋ بار سەزدىڭبە ءبىر ارۋ بار!


3. جۇرەگىمدە ءجۇرسىڭ سەن

كادىربەك ابىزالقان ۇلى

اقىن قىزعا

سەن سۇلۋسىڭ،قاراپايىم، قاجىرلى.
سەن اقىنسىڭ، وتتىءتىلدى ساز ۇندى.
سەنىڭ عانا جانارىڭنان وقىسام،
تالەيىمە بۇيىراتىن جازۋدى.

سەن قوڭىرءۇن، سىڭعىرلاعان عاجاپ تىم.
جولىن قۋدىڭ ولەڭ دەگەن ازاپتىڭ.
سەنىڭ اناۋ قوس جانارىڭ تۇڭعيىق،
جانعا شيپا، بالزامىنداي ءلازاتتىڭ.

مىنەزىڭ عوي جاز كۇنىندەي جايدارى.
كوكىرەگىڭ وتتى ولەڭنىڭ مايدانى.
كوركىڭ اناۋ كورگەن جاندى باۋرايدى.
پاك مىنەزىڭ بەرەكەنىڭ قايماعى.

قوس جانارىڭ مەيىرىمىن توككەندە،
كۇن نۇرىنداي شاعىلىسقان كوك بەلدە.
قۇلاڭ شاشىڭ يىعىڭدى جاپقاندا،
شىداپ تۇرار ءتوزىم مۇلدە جوق مەندە.

ساعىنىش

مەن وتىرمىن اققايىڭنىڭ تۇبىندە،
اڭساپ سەنى ساعىنىشپەن بۇگىندە.
سەنىڭ ءمولدىر جانارىڭداي ەلەستەر،
قونعان شىقتار شىرماۋىقتىڭ گۇلىنە.

جاسىل قۇراق سىبدىرلايدى اينالام،
تامىلجىتىپ بۇلبۇل قۇستار سايراعان.
كوك اسپاندا كوپ جۇلدىزدار جىمىڭداپ،
وزىڭ بولىپ ەلەستەيدى اي ماعان.

ىڭىر لەبى تەربەتەدى سەزىمدى،
اكەلگەندەي سەنىڭ ىستىق دەمىڭدى.
ساعىنىشىم ەلەسىڭە ەركەلەپ،
سۇلۋ بەينەڭ جۇرەگىمدە كوزىلدى.

قۇلاعىما كەلگەندەي بوپ كۇلكى ءۇنىڭ،
جىيىلەتىپ جۇرەگىمنىڭ دۇرسىلىن.
ساعان دەگەن ساعىنىشتىڭ تامشىسىن،
يە بولماي ۇزە سالدى كىرپىگىم.


جيناپ رەتتەگەن :سەرجان قابەت ۇلى

责任编辑:admin
文章关键词0

  加载评论内容,请稍等......