مەن جۇڭحۋانىڭ ۇلىمىن 更新日期:2019-10-08 23:37:13    1039人参与了访问

مەن جۇڭحۋانىڭ ۇلىمىن

(وتانىمىز قۇرىلعاندىعىنىڭ 70 جىلدىعىنا ارنايمىن )

شاكەن راحىمەتوللا ۇلى

مەن جۇڭحۋانىڭ ۇلىمىن جىرعا قۇمار ،
ايتارى بار ەلىنە تىڭدارى بار .
تۋعان جەردىڭ قۇنارلى توپىراعىندا ،
جەتىلگەن تالاي مىقتى تۇلعالىلار .

مەن جۇڭحۋانىڭ ۇلىمىن جىرعا قۇمار ،
جىرىما ۇيىرىلگەن شىڭداعى ۇلار .
سينفونيا جاساعان نۋلارى بار ،
جۇرەگىمدەي تۇپ - تۇنىق سۋلارى بار .

مەن جۇڭحۋانىڭ ۇلىمىن ولەڭدەتكەن ،
ولەڭدەتىپ بىرلىكتە كەلەم كوپپەن .
قۋانىشتى حالقىممەن بىرگە تويلاپ ،
جاقسىلىققا بىرلىكتە توبەم جەتكەن .

مەن جۇڭحۋانىڭ ۇلىمىن ، سال - سەرىمىن ،
الاسارىپ كورمەگەن نار سەنىمىم .
قولىمدا دومبىراداي بار سەرىگىم ،
ءتاپ - ءتاتتى سەزىلەدى بالشا ءومىرىم .

مەن جۇڭحۋانىڭ ۇلىمىن اسقاق تۇرعان ،
دوستىقتىڭ اسەم ءانىن باستاپ تۇرعان .
كەۋدەمدە كۇي كۇمبىرلەپ ، بۇلبۇل سايراپ ،
ماما اعاشتا مايدا جال جاقسى ات تۇرعان .

مەن جۇڭحۋانىڭ ۇلىمىن اسقاق تۇرعان ،
ارينە ، جۇڭگو ارمانىن ماقسات قىلعان .
الىپ ەلدىڭ بوي تارتىپ توپىراعىندا ،
بەس مىڭ جىلدىق تاريحىن جاتتاپ تۋعام .

مەن جۇڭحۋانىڭ ۇلىمىن پاك جۇرەگىم ،
ەل ءۇشىن ەڭبەك ەتۋ بار بىلەرىم .
بولاشاققا بارامىن شەرۋ تارتىپ ،
شابىتتىڭ ءمىنىپ الىپ سال كۇرەڭىن .
مەن جۇڭحۋانىڭ ۇلىمىن پاك جۇرەگىم ،
ۇلى وتانىم بەسىگىم ماڭگى مەنىڭ .
ءداۋىرىمنىڭ جىرلايتىن تاڭعى لەبىن ،
بولاشاق ۇرپاقتارعا اڭگىمەمىن .

مەن جۇڭحۋانىڭ ۇلىمىن اڭقىلداعان ،
ادامدىقتىڭ ۇيرەتكەن نارقىن ماعان .
اق ەدىل اقىنىڭ بوپ جارقىلداعام ،
ساۋمالداي سامالىڭا سالقىنداعام .

مەن جۇڭحۋانىڭ ۇلىمىن اڭقىلداعان ،
ارايلى اسپانىڭنان ءان تىڭداعان .
تەربەلىپ بەرەكەنىڭ بەسىگىندە ،
جاساي بەر اي ماڭدايلى جارقىن زامان .

责任编辑:admin
文章关键词0

  加载评论内容,请稍等......