جەتى قابا ازىلدەرى(2) 更新日期:2019-07-04 16:17:23    2443人参与了访问

جەتى قابا ازىلدەرى

(2)

قۋانىشباي ءتۇتىنباي ۇلىنىڭ قىزىقتارى


مارحۇم قۋانىشپاي ءتۇتىنباي ۇلى- سۇيەگى جاربولدى، قابا اۋدانىنىڭ ساربۇلاق قالاشىعىنىڭ ادامى، كەزىندە كووپەراتيۆتە ماگازينشى بولعان.
▲ ءبىر جىلى كوكتەم كەزى بولسا كەرەك ، كۇن شۋاقتاپ ءبىر قانشا قارت كەڭەس قۇرىپ وتىرادى، سوندا بىرەۋى تۇرىپ:
- وسى بيىل جاز شىققپايدى عوي دەيمىن، سارالا قاز ءالى كەلمەدى- دەسە قۋانىشپاي تۇرىپ:
- ءاي شال شاتاسپاي وتىر، جاز شىعايىن دەسە سارالا قازىڭدى كوتىن سۇرتەمە- دەگەن ەكەن .
▲ قۋانىشپاي ماگازينشى بولىپ تۇرعان كەزىندە ، ءبىر الارمان كەلىپ قۋانىشپايدان:
- ۇلكەن كىسى تىشقان ءدارىسى بارما - دەپ سۇراماي ما سوندا قالجىڭپاز اعامىز:
- تىشقاندارىڭىز اۋىرىپ قالدى ما؟- دەگەن ەكەن .
▲ تاعى دا سول ماگازين ، قۋانىشپايعا بالدىز بولىپ كەلەتىن ءبىر قىز توقىما توقيتىن ءبىز الماقشى بولىپ:
- جەزدە اعا ءبىز قانشا- دەپ سۇراعاندا اعامىز:
- ءسىز 80 ءتيىن- دەگەن ەكەن .
▲ قابا اۋدانىندا اۋىل شارۋاشىلىق 10 - ديۆەزيانىڭ 185- پولكى تۇرادى ، سول ارادا اتى «ەلۋ ءۇش» دەگەن باقتاشى بار ەكەن دە، قۋانىشپايعا قاتتى ۇقسايتىن كورىنەدى ، 185- تۋاننان ساربۇلاققا كەلگەن ءبىر جولاۋشى قۋانىشپايعا جولىعىپ قالىپ:
- اعاسى ەلۋ ۇشكە ەرەكشە ۇقسايدى ەكەنسىز ، تۋىسى بولاسىز با؟- دەپ سۇراپتى ، سوندا قۋانىشپاي تۇرىپ:
- ءيا، ەلۋ ءۇشتىڭ اعاسى ەلۋ ءتورت دەگەن مەن بولام- دەگەن ەكەن .
▲ قۋانىشپايدىڭ بايبىشەسى،شالىنا ۇيگە قارامادىڭ دەپ رەنجىپ:
- كۇندە دالا بەزگەننەن باسقانى بىلمەيسىڭ ، ەڭ جاقسىسى وسى ۇيدەن قاراڭدى جوعالت- دەمەيمە ، سوندا قۋەكەڭ تۇرىپ:
- ءاي بايبىشە كەتكەندە قايدا بارام ، مىناۋ مەنىڭ ۇيىم، اناۋ قازاقتاردى قويعاندا مەندە جۇمىسى بار حانزۋ جولداستاردىڭ ءوزى «قۋانىشپايدى پاڭزى ناگى» دەپ ىزدەيدى عوي- دەگەن ەكەن .
▲ بىردە قۋانىشباي وجىڭ ( ورازبەك) دەگەن دوسىمەن بىرگە اۋىلدان اۋاشالاۋ باقشا شەتىندەگى كوگالعا بارىپ، بىرەر بوتەلكەلەرىن ءىشىپ سىرلاسىپ وتىرادى ، كەش باتا ەكى اعامىزدا قىزىڭقىراپ قالادى، وجىڭ قۋانىشبايدىڭ تۇرا تۇرىنا قاراماي، ەرتە جارىقتا ۇينە جەتىپ الماق بولىپ، ءبىر قىسقا تامدى جاعالاپ، تانتىرەكتەپ كەتىپ بارا جاتادى، سوندا قۋەكەڭ وتىرعان جەرىنەن:
- ءاي وجىڭ، انداعى جامان تام تۇگەگەننەن كەيىن ارتىڭ بەلگىلى- دەپ ايعايلايدى، ايتىپ ايتپاي قىسقا تام تۇگەگەن جەردەن دوسى قۇلاپ ءتۇسىپتى.
▲ بىردە قۋەكەڭ تۇنگى اۆتوكولىكپەن ۇرىمجىگە جول الىپتى، ورنى استىڭعى قاتاردا ەكەن، ءتۇن ورتاسى بولعان شاق جولدان ءبىر جىگىت قول كوتەرىپ اۆتوكولىككە شىعىپتى ، شوفەر ورىننىڭ ىڭعايىنا قاراي قۋەكەڭنىڭ ۇستىنگى قاتارىنداعى ەكى ادامدىق ورىننىڭ ءبىرىن بۇيىرىپتى، وندا بۇرىن ءبىر قىز بار ەكەن، جاڭا شىققان جىگىتپەن قىز ءجون سۇراسىپ جاتىپ، اياعى كۇيەم-سۇيەمگە اۋىسىپتى ، ۇيقىسى قاشىپ جاتقان قۋەكەڭ ۇستىڭگى اڭگىمەگە قۇلاق تۇرىپتى، ءبىر كەزدە جىگىتتەن قىز «بالالى بولىپ جاتساق اتىن كىم قويامىز» دەپ شۇڭكىلدەسىپ جاتىپ ۇيقتاپ كەتىپتى ، اۆتوبوز ۇرىمجىگە تاياعاندا جىگىت ماقساتتى جەرىنە جەتىپ ءتۇسىپ قالىپتى ، بەكەتكە كەلگەندە ويانعان قىز الگى جىگىتتىڭ اتىن اتاپ ىزدەي باستاعاندا استىندا جاتقان قۋەكەڭ:
- قارعام ىزدەمەي- اق قوي ، باعانا بالانىڭ اتىن قويىپ بولىپ ءتۇسىپ قالعان- دەگەن ەكەن .
▲ قۋانىشپاي اقساقالدىڭ كورشىسى اۋىرىپ شيپاحاناعا بارىپ كەلىپتى، «كوڭىل سۇراعان كوڭىلگە جاقسى» دەپ كوڭىلىن سۇراي بارعان كورشىلەردىڭ ىشىندە قۋەكەڭدە بار ەكەن، كەلگەندەر نە ناۋقاس ەكەنىن سۇراعاندا ناۋقاس ادام؛« تەمىر قۇرامىڭ تومەندەپ كەتكەن دەيدى»دەپ ناۋقاس جاعدايىن ءتۇسىندىرىپتى. مۇنى ەستىگەن قۋەكەن، وسىنىڭ الدىندا عانا كورشىسىنىڭ ىستەتە تۇرۋعا ارا تەمىرىن بەرمەي قويعانى ەسىنە تۇسىپ كەتىپ:

- وندا اراتەمىرىڭدى اسىپ جەسەڭىز بولدى عوي،-دەگەن ەكەن قاعىتىپ.


جيناپ رەتتەگەن : سەرجان قابەت ۇلى

责任编辑:admin
文章关键词0

  加载评论内容,请稍等......