جاسا ماڭگى ۇلى انام

اقىنبەك قازەز ۇلى



شۇعىلاسىن شاشقان شۇلەن قىرىق جىل،
جۇرەكتەردى ايمالايدى بۇگىن نۇر.
وگىز اربا ويىمىزدان ەلەس بوپ،
ۇشاقپەنەن كوكتە سامعاپ ۇلىڭ ءجۇر.

رەفورما رەڭ بەرىپ وڭىرگە،
ەسىك اشىپ سەكىرۋ بوپ ەلىمدە.
وزىق ەلمەن تەرەزەسىن تەڭ ۇستاپ،
وزگەشە بىر قادام باستى ومىرگە .

وزەك ەتىپ بۇحارانىڭ مۇدەسىن،
ءار -بىر ادام تۋرا تانىپ ۇلەسىن.
قىرىق جىلدا قىرقالاردان مۇدىرمەي،
جەڭىس تاپتى  قاجىماعان كۇرەسىڭ.

جاڭا داۋىر بۇحارانىڭ قامىن جەپ،
ءاربىر حالىق ءوز تەرىنىڭ نانىن جەپ.
جەمقورلاردىڭ جەلكەسىنەن شەگە ۇردىق،
شەرتيگەندى قامسىز ەلدىڭ جانىن جەپ.



بۇل قىرىق جىل بەيبىت ەلدىڭ جەمىسى،
دامۋشىلىق قايدا بارساڭ ەل ءىشى.
كومپارتيام توقسانىندا تولىسىپ،
حالقىمەنەن قولتىقتاسقان جەڭىسى.

ۇلى جۇڭحۋا ءار ۇلتىمنىڭ  بەسىگى،
ەلى ءۇشىن ەڭبەكتەندى ەسىلى.
ۇستانىمى ءبىر جولمەنەن ءبىر بەلدەۋ،
دوس ەلدەردىڭ كىرىپ شىعار ەسىگى.

نامىس بەرمەس قۋاتتى ەلىمىز جات ەلگە،
جەتپىس جىلدا ءبىز اينالدىق باس ەلگە.
حالىقارانى تۋرا جولى شۇلعىتقان،
ۇلى ەلىمنىڭ دومالاي بەر تاسى ورگە.

مالشىلارى بەيقۇت ۇيگە جايعاسقان،
جىلى جايدا ءتورت تۇلىگىن بورلاتقان.
ەگىنشىسى التىن ءدانىن ساپىرىپ،
تاقىمىندا تەمىر تۇلپار ويناتقان.

مىنە ،مەنىڭ جاڭا داۋىر باقىتىم،
قادىرلى ەلىم مەرەيىمىز تاسىسىن.
بارىمىزدە بورىشتارمىز دەپ بىلەم،
وتانىمنىڭ  جالعىز ءتۇيىر تاسى ءۇشىن.


سىندار ازبا جولدارىڭدا سىناعان.
سول كۇدىردە يىرادامدى شىڭداعام،
كەلەشەگىم ءتىپتى نۇرلى سەنەمىن،
جاسا ماڭگى ۇلى جۇڭحۋا،ۇلى انام.