سەرجان قابەت ۇلى

( نارىن تولەۋباي ۇلى جايلى )

الداعى اعالارىنداي بويشاڭ ەمەس، قايىڭنىڭ ۇيىلىندەي شىمىر، ورتا بويلىلاۋ بولىپ ەرجەتە باستاعان بالا نارىن باسقاشا مىنەز تانىتىپ، جۇدىرىقتاسۋ ونەرىنە ولەردەي عاشىق بولادى. سەرىك اتاسىنىڭ، باقىت اعاسىنىڭ ارىس مايدانىنداعى ەرلىكتەرىن تىڭداۋدى ەرەكشە ۇناتاتىن، ءسابي كەزىنەن سول كىسىلەردەي بولسام دەيتىن ءبىر ارمان الىستان قول بۇلعاپ كەل- كەل دەپ بالا جۇرەگىن بۇكىلدەي باۋراپ الادى. «جىگىتتى تالاپ، قۇستى قانات ۇشىرادى» دەگەندەي نارىن انە سولاي ون جاسىنان باستاپ وزدىڭگىنەن ماشىق جاساپ، تاڭەرتەڭ تۇرىپ جۇگىرەدى، اپاسىنىڭ كەرەكسىنۋدەن قالعان كەنەپ دوربالارىنا قۇم تولتىرىپ، سونى تۇيگىشتەپ جان تالاسىپ ءجۇردى، 1994-جىلى 1- ورتا مەكتەپتەن قۇرىلعان بوكس اترەتىنىڭ قۇرامىنا كىرىپ جۇيەلى ماشىق جاسايدى، 1995-جىلى التاي ايماعى اتىنداعى بوكىس اترەتى اتىنان اۆتونوميالى رايوندىق جاستار مەن جاس وسپىرىمدەر قۇرامىندا 48 كيلوگرامدىق سالماق بويىنشا دوداعا ءتۇسىپ جۇلدەگەرلىكتى قانجىعالاپ قايتادى، مىنە بۇل ناتيجە بالا نارىنعا ۇلكەن شابىت بولادى، الداعى ارمانىنا قامشى بولىپ ۇرىلادى، سودان باستاپ قاجىماي –تالماي جاپالى ماشىق جاساي باستايدى، انە سۇيتىپ اشتى ەڭبەكتىڭ ءتاتتى جەمىسىندە كورە باستايدى، 1996- جىلى اۆتونوميالى رايوندىق جاستار مەن جاس وسپىرىمدەر ورتاسىنداعى دودادا 48 كيلوگرامدىق سالماق بويىنشا التىن مەدال،  1997- جىلا قۇلجادا وتكەن دودادا 51 كيلوگرامدىق سالماقتا التىن مەدال، 1998- جىلى ۇرىمجى قالاسىندا وتكەن دودادا 54 كيلوگرامدىق سالماقتاعىلار بويىنشا التىن مەدال، 1999- جىلى اتۇشتا وتكىزىلگەن اۆتونوميالى رايوننىڭ 9- كەزەكتى دەنە-تاربيە جارىسىندا بوكىستىڭ 54كيلوگرامدىق ارىستارى اراسىنان قولا مەدالدى قانجىعالايدى. 2000-جىلى سانجىداعى بوكىس دوداسىندا 57كيلوگرامدىق سالماق بويىنشا التىن مەدالدى مەنشىكتەسە، 2002- جىلى ۇرىمجى قالاسىنداعى دودادا 60كيلوگرام بويىنشا باعىن سىنايدى دا، تاعى ماڭدايى جارقىراپ التىن مەدالدى جارقىراتىپ كەۋدەسىنە تاعىنادى، قىسقاسى وسىدان كەيىنگى جىلدارى ءوز بويىنداعى قاجىرلىلىعىن تانىتىپ، ىلگەرىندى -كەيىندى  10 التىن مەدالدىڭ مەنشىكتى يەگەرى بولىپ ەل كۇزىنە تۇسىپ، حالىق جۇرەگىنەن ورىن الادى. نارىن تولەۋباي ۇلى كاسىپتىك بوكىستەن شەگىنگەننەن كەيىن، الداعى اسقار بەل اعاسى باقىت كوپەن ۇلىنىڭ قايتا - قايتا شابىت بەرىپ جەبەۋىنىڭ ارقاسىندا ءوزىنىڭ تۋعان اۋىلى قابادا، باقىت اعانىڭ جەتەكشىلىگىندەگى كاسىپتەن سىرتقى دەنە تاربيە  مەكتەبىندە شاكىرت تاربيەلەپ اۋدانىمىزدىڭ دەنە-تاربيە ىستەرىنە وزىندىك ۇلەسىن قوسادى. ماڭداي تەرى تەگىن توگىلمەپتى 2017-جىلى 4- ايدا شاندوڭ ولكەسىندەگى دەنە-تاربيە تاراۋلارى جاعىنان « باس تورەشى» دەگەن تولىمدىلىق كىناشكاسىن تاپسىرىپ الادى. پارتيامىزدىڭ ابزال ساياساتى بولام دەگەن ازاماتتىڭ الدىنا شىراق بولىپ جاعىلدى،  دابىل بولىپ قاعىلدى، ساۋ سالەمەتتى جوڭگو قۇرۋ ۇرانى جاس باپكەردىڭ دە كوكەيىنە اينىماس بورىش، ادا ەتەر مىندەت بولىپ ورنادى. مىنە وسىنداي ءبىر اسىل مۇراتتىڭ جەتەگىمەن 2017-جىلى سانجى وبلىسىنداعى قاتىستى ورىنداردىڭ ۇسىنىسىن ەكىلەنبەي قابىلداپ، بۇكىسقا شاكىرت تاربيەلەيدى، العىر ازاماتتىڭ العاشقى شاكىرتتەرىنىڭ ءوزى- اق اۆتونوميالى رانوندىق، مەملەكەتتىڭ بوكىس دوداسىندا مىقتى-مىقتى ارىپتەستەرىمەن قولباق ءتۇيىستىرىپ قۋانارلىق ناتيجە جاراتادى.  تالاي شاكىرتەرى جاس باپكەردىڭ الدىنان تۇلەپ ۇشىپ، ىشكى ولكەلەردەگى مۇيىزى قاراعايداي ايتۋلى كوماندالارعا جولداما الدى، ايتار بولساق شاۋەشەكتىڭ سارى ەمىل اۋىلىنان تاريبەلەگەن شاكىرتەرىنىڭ ءبىرى ايبولات  جاسار ۇلى 18جاسىندا 96 كيلوگرامدىق سالماق بويىنشا جوڭگو ىنبوگىدۋ كامانداسىنا قابىلدانادى، مىنە وسىنىڭ ءوزى نارىن باۋىرىمىزدىڭ مەملەكەتىمىزگە ارىس الىپتارىن تاربيەلەپ بەرۋدەگى جاندى مىسالى بولماق.