ەگىز بۇلاق
قارقىن ءابىلقان ۇلى
حۇڭحۋانىڭ قاسيەتتى ۇل-قىزدارى
جۇڭحۋانىڭ قاسيەتتى ۇل- قىزدارى،
سەكىلدى وتانىمنىڭ شىڭ-قۇزدارى.
ارمانى اسقاق اياۋلى ىزباسارلار،
ارىنا ارامدىقتى تۇرعىزبادى.
جۇڭحۋانىڭ جالىنداعان ۇل-قىزدارى،
بولاشاقتىڭ جايناعان جۇلدىزدارى.
ۇلدارى قاراعايداي قايسار ءبارى،
اياۋلى اراى تازا گۇل قىزدارى.
جۇڭحۋانىڭ قاسيەتتى ۇل- قىزدارى،
ساحارانىڭ جايقالعان قىرمىزدارى.
جاۋىنگەر ازاماتىن مۇقالتا الماس،
اقپاننىڭ ايىر ءتىلدى تۇنگى ىزعارى.
جۇڭحانىڭ قاسيەتتى ۇل- قىزدارى،
ايدىن كولدىڭ ەركەسى قۇندىزدارى.
اق حالاتتى اياۋلى پەرىشتەلەر،
ۇقسايدى قارعالداققا شىڭ-قۇزداعى.
كەل قۇربىم
تولقىندارمەن ءوبىستى،
قۇربىم اپپاق بالتىرىڭ.
قيماي تۇرمىن قىزعانىپ،
بىلمەدىڭ-اۋ جارقىنىم.
جاعادا ءۇنسىز ويلانىپ،
الىستارعا تەلمىردىڭ.
جاتتىعى جوق جاقسىنىڭ،
تانىسايىق كەل قۇربىم.
ىرعالاسىڭ ارەدىك،
جاعاداعى تالداي بوپ.
سەزىم قۇسى قونادى،
كىرپىگىڭە قالماي كەپ.
الىس تۇرىپ قاسىڭنان،
قيال مىنىپ سامعايمىن.
و، عاجاپ- اۋ سىيقىرلى،
ەلەسپە بۇل قانداي كۇن؟
قۇسىنداي بوپ عايىپتىڭ،
قۇس جولىنان كەلدىڭ بە؟
وت سىيلادىڭ جانىما،
جۇرەگىمە ەندىڭ دە.
قىزىمەدىڭ بالكىم سەن،
اسپانداعى اي- كۇننىڭ،
بىرگە بولساق ارمان نە،
اققۋىنداي ايدىننىڭ!