باس بەت   »ادەبيەت ايدىنى»  ولەڭ»   ءومىر ءوزى سويلەپ تۇر
ءومىر ءوزى سويلەپ تۇر
مەيرانبەك قالياسقار

ەگىز عۇمىر

دەر شاعىڭدا بيىك سامعاپ ۇشپاساڭ،
(عۇمىر بەينە ماۋسىمداعى قىسقا تاڭ).
مەنى ماڭگى جالقپاعان جانۋدان،
سەنى ءوزىمنىڭ قايراعىما ۇقساتام.

باقىت قۇسى باسىمىزدان ايلانىپ،
تاعدىرىمىز ءبىر قازىققا بايلانىپ.
ءورشىلدىگىم - وتكىرلىگىم ءبىلىندى،
سەنىڭ سەنىم، اقىلىڭا قايرالىپ.

باسىمىزدان قانشاما اۋىر كۇن ءوتتى،
قانشا شاتتىق نۇرلاندىردى جۇرەكتى؟
مەن تىلەيمىن: قاسىمدا بول ماڭگى دەپ،
سەن دە تىلە، مەن تىلەگەن تىلەكتى.

وزىڭە ءتان مەندەگى بار وتكىرلىك،
سەن جەبەسەڭ شەرۋ تارتام، شەپ بۇزىپ.
قايراي تۇسسەڭ، جارقىلداتام الماس جىر-
قانجار ءتىلدى جەتەسىنە جەتكىزىپ.
مىناۋ ءومىر ماتاستىرعان بىزدەردى،
اجال دەيتىن كەزىككەنشە كوك سىزىق....

ءومىر ءوتىپ وسىلاي بارادى ەكەن

باسىلماعان ساعىنىش سارىعىنداي،
ماعان شابىت اۋىلعا بارۋ ۇداي.
ەش جەر ىستىق كورىنبەيد اۋىلىمداي،
ەشكىم ىستىق كورىنبەيد باۋىرىمداي.

بارا جاتقان بولسادا كۇن كەشكىرىپ،
(تورلاماعان كوڭىلدى كۇرمەپ كۇدىك).
 شەتىنە اۋىلىمنىڭ مەندە ءىلىندىم،
بالامدى «تەمىر اتقا» مىنگەستىرىپ.

-وسى اۋىلدىڭ مەندە ءبىر ەركەسى ەدىم،
اسپان - كورپەم بولعان- دى جەر- توسەگىم.
ماعان ىلەس، قولاتتى مىناۋ اۋماق،
كونە جۇرتى اتاڭنىڭ كورسەتەمىن.

كوز جازعانداي كەشەگى كورگەن جەردەن،
جۇرتتى تاپپاي قاراداي سەندەلدىم مەن.
شيرەك عاسىر ءوتىپتى سودان بەرى،
ەلدە وزگەرگەن ءتايىر- اي، جەردە وزگەرگەن.

جۇرمەسەمدە كۇن كەشىپ كۇلدى بادام،
(ساعان مەنى جەتكىزدى تىرلىك امان).
-جۇرتىڭىزدى ۇمىتىپ قالپسىز،- دەپ
ارت جاعىمىنان سىقىلداپ كۇلدى بالام.

سانسىز كۇدىك ساندالىپ ويعا كىرىپ،
(كوز شىبارتىپ باراما؟ وي جاڭىلىپ).
سۇراماق بوپ بۇرىلدىم انادايدا،
كەلە جاتقان كىسدەن قوي قايىرىپ.

 سەكسەن دەيتىن سەڭگىردىڭ ارجاعىندا،
توقسان دەيتىن توبەنىڭ بەر جاعىندا.
كاريانى تانىدىم اۋىلداعى،
ەلىم سيلاپ، بالايتىن قورمالىنا.

سالەم بەردىم المادى، (تاڭعالاسىڭ)،
اۋىرلاپتى قۇلاعى،
                  (قايران قارتىم).
وڭ قولىمەن كوزىن ءسال كۇلەگەيلەپ،
سۇراپ جاتىر: - شىراعىم، قاي بالاسىڭ؟

قاتال تاعدىر قاپىدا سىرتىن بەرگەن،
قالاي عانا جاسىرام سيقىمدى ەلدەن.
باتار كۇنگە بەتىمدى بۇرىپ تۇرىپ،
كۇلمەدىم كارياعا كۇرسىندىم مەن.

ءتاتتسى دەپ تىرلىكتىڭ قىزىق قۋىپ،
جات كىسگە اينالۋ تۇنىق- شىندىق.
ءومىر ءوتىپ وسىلاي بارادى ەكەن،
اسىلىڭدى جوعالتىپ، ۇمىتتىرىپ.

سەبەپ
(ءازىل ولەڭ)

كەزىككەندە ءبىز العاش، گۇل الىپ مەن،
ۇسىنعان ەم قوس قولداپ، قۋانىپپەڭ؟
قىسىلعان ەڭ ايتارعا ءسوز تابا الماي،
تەمەكىمنىڭ شوعىنداي قىزارىپ سەن.


باتىرىنداي باعىزى ەرتەكتەردىڭ،
تەپكىلەگەن كەۋدەمدى تەنتەك سەزىم.
ءدال سول كۇنى بىلەرسىڭ، سەن ءۇشىن دەپ،
وتقا تۇسسەم ارمان جوق....
                       سەرت ەتكەنمىن.

ءومىر – كۇرەس مايدانى دەرت ىشىمدە،
ساعان بەرگەن باياعى سەرت ءۇشىن دە.
بارمەن جوقتىڭ اراسىن ارەڭ كۇرمەپ،
سودان بەرى كەلەمىن ءورت ىشىندە.

-قىرىقتاسىڭ ، جيمايسىڭ نەگە ەسىڭدى؟
دەگەن تالاي ەستىدىم كەڭەسىڭدى.
بىردە ماعان تاعى دا ايتىپ قالدىڭ،
-قويساڭشى،- دەپ – زياندى، تەمەكىڭدى.

سەن كەلەسىڭ قويدىم دەپ باسقارا الماي،
مەن كەلەمىن «دوسىمدى» تاستاي الماي.
سەنەن بۇرىن تانىسقان "سۇيكتىم " عوي،
جاستىق دەيتىن قىزبالىق قوسقان وڭاي.


پاك ماحاببات قۇلاماس قۇرىش قورعان،
سەنىم دەيتىن تۇسپەسىن قىلىش قولدان.
وتقا ءتۇسۋ ءۇشىن دە الدىمەنەن،
شوققا جاقىن جۇرگەنىم دۇرىس بولعان.

بۋرىلتوعاي اۋداندىق راديو- تەلەۆيزيا مەكەمەسى

سوڭعى قوسىلعان جازبالار

قاتىستى باعالار

  加载评论内容,请稍等......