ازامات حابارلايدى: 30-قازاننان 31-قازانعا دەيىن، اۋداندىق پارتكومنىڭ ورىنباسار شۋجيى، اۋدان اكىمى ايدىن تولەۋقان ۇلى قاتارلى باسشىلار الىس قىسقى وتارعا بارىپ، قىسقى وتار جايىلىمىن قورعاۋ قىزمەتىن تياناقتاندىرۋ احۋالى، جىلى قورا قاتارلى نەگىزگى قۇرىلعى قۇرىلىسى قىزمەتىن تياناقتاندىرۋ احۋالىنا تەكسەرۋ زەرتتەۋ جۇرگىزدى.
  تەكسەرۋ زەرتتەۋ بارىسىندا، ايدىن تولەۋقان ۇلى قاتارلى باسشىلار ىلگەرىندى-كەيىندى كوكسۇن، قانجىعا، جونساۋىر قىسقى وتارىنا بارىپ، دوكلات تىڭداۋ ارقىلى، جايىلىم، جىلى قورا قاتارلى نەگىزگى قۇرىلعىلاردى كوزدەن كەشىرىپ، مالشىلارمەن اڭگىمەدە بولۋ، حال سۇراۋ قاتارلى فورمالارمەن، قىسقى وتاردىڭ جىلى قورا قۇرىلعىسى، مالشىلاردىڭ ءوندىرىس تۇرمىسى قاتارلى احۋالداردى يەلەدى.
  مالشىلار وتباسىندا، ايدىن تولەۋقان ۇلى قاتارلى باسشىلار مالشىلارمەن اڭگىمەدە بولىپ، ولاردىڭ ءوندىرىس تۇرمىس، پەرزەنىتتەرىنىڭ وقۋعا تۇسۋى، جەم-ءشوپ دايارلاۋ قاتارلى احۋالدارىن ەگجەي-تەگجەيلى سۇراستىرىپ، قىسقى جىلى قورا قاتارلى نەگىزگى قۇرىلعىلاردى كوزدەن كەشىرىپ، مالشىلار ءوندىرىس تۇرمىسىندا كەزدەسكەن قيىنشىلىقتاردى يەلەدى، سونىمەن قاتار مالشىلارعا حال سۇراۋ اقشاسىن بەرىپ، پارتيا مەن ۇكىمەتتىڭ قامقورلىعى، حالىققا پايدا جەتكىزەتىن ساياساتتىڭ سۇيەمەلدەۋىندە، قيىنشىلىقتاردى جەڭىپ، كىرىستى ارتتىرىپ اۋقاتتانۋعا شابىتتاندىردى. بۇدان سىرت، ايدىن تولەۋقان ۇلى مالشىلارعا سۋىقتان ساقتانۋعا كوڭىل ءبولىپ، جايىلىمدى ۇيلەسىمدى پايدالانىپ، كوتەرەم مالداردىڭ جەم-ءشوبىن تولىقتاپ بەرىپ، ادام مەن مالدى قىستان امان وتكىزۋگە كەپىلدىك ەتۋدى تاپسىردى.
  تەكسەرۋ زەرتتەۋ بارىسىندا، تەكسەرۋ زەرتتەۋ گرۋپپاسىمەن بىرگە جۇرگەن ەمدەۋ اتىرەتى مالشىلاردىڭ دەنساۋلىعىن اقىسىز تەكسەرىپ، ۇنەمى كەزدەسەتىن، اۋرۋلاردى ەمدەۋ ءادىسىن تۇسىندىردى جانە ءدارى تۇتىنۋلارىنا جەتەكشىلىك ەتتى. ايدىن تولەۋقان ۇلى مىنالاردى اتاپ كورسەتتى، اۋداندىق دەنساۋلىق ساقتاۋ تاراۋى مەن ءار قايسى اۋىل قالاشىق تاجىريبەسى مول، كاسىپكە جەتتىك ەمدەۋ اتىرەتىن الىس قىسقى وتاردا ارالاپ ەمدەۋ جۇرگىزۋگە ۋاقىت بەلگىلەپ ورنالاستىرىپ، مالشىلاردىڭ دوحتىرعا كورىنۋى قيىن بولۋ، الىس بولۋ ماسەلەسىن شىنايى شەشۋ كەرەك.
  تەكسەرۋ زەرتتەۋ بارىسىندا، ايدىن تولەۋقان ۇلى مىنالاردى باسا دارىپتەدى، بيىل جاڭبىر سۋى مول بولىپ شوپتىڭ ءوسۋ جاعدايى جاقسى، ءار قايسى اۋىل قالاشىق مالشىلاردى جەم-ءشوپتى مولىنان دايارلاۋعا اتتانىسقا كەلتىرىپ جانە ۇيىمداستىرىپ، قىسقى وتارداعى مال سانىن ۇيلەسىمدى ورنالاستىرىپ، مال كوشىرۋ ۋاقىتىن قاتاڭ تىزگىندەپ، مالدىڭ قىسقى وتارعا ەرتە كوشۋىنىڭ الدىن الىپ، مالدى قىستان امان وتكىزۋگە كەپىلدىك ەتۋ كەرەك. بۇدان سىرت، ءار قايسى اۋىل قالاشىق، ءار قايسى قاتىستى تاراۋ ۇگىت تەبىنىن شىنايى ارتتىرىپ، مالشىلاردىڭ جايىلىمدى قورعاۋ تانىمىن ارتتىرىپ، ءتۇرلى فورمالارمەن جايىلىمدى قورعاۋ بىلىمدەرى مەن مال كوشىرۋگە قاتىستى بەلگىلەمەلەردى ۇگىتتەپ، مالشىلاردىڭ بەلگىلەگەن ۋاقىت بويىنشا مال كوشىرۋ سانالىلىعىن ارتتىرۋ كەرەك.
  ايدىن تولەۋقان ۇلى مىنالاردى اتاپ كورسەتتى، كوز الدامال كوشىرۋ مەزگىلى، ءار قايسى اۋىل قالاشىق، ءار قايسى قاتىستى تاراۋ مالشىلىق رايونداعى بۇقارانىڭ ءوندىرىس تۇرمىسىنا باسا ءمان بەرىپ، حال سۇراپ جاعداي ۇعىسىپ، ءوندىرىس تۇرمىستارىنداعى ءىس جۇزىندىك قيىنشىلىقتاردى يەلەۋ كەرەك، سونىمەن قاتار بۇل قيىنشىلىقتار مەن ماسەلەلەردى، مالشىلىق رايوندا، مالشىلار وتباسىندا شەشۋ كەرەك.
  ورىنباسار اۋدان اكىم قايرات دۇيسەن ۇلى جانە ءار قايسى اۋىل قالاشىق، مال شارۋاشىلىق مال دارىگەرلىك، حالىق ىستەر قاتارلى تاراۋ ورىن جاۋاپتىلارى تەكسەرۋ زەرتتەۋدە بىرگە بولدى.