«ءۇش ءتۇرلى كۇشپەن»، «ەكىبەتكەيلەرمەن» باتىل كۇرەسەيىك

ءۇرىمجى قالالىق پارتكومنىڭ ورىنباسار شۋجيى، قالا باستىعى يىلھام سابىر 

پارتيا 18 - قۇرىلتايى، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى، اۆتونوميالى رايوندىق پارتكومنىڭ پارمەندى باسشىلىعىندا، ءۇرىمجى قالالىق پارتكوم مەن حالىق ۇكىمەتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مۇقيات دايەكتىلەندىردى، تياناقتاندىردى، شينجياڭداعى ءار ۇلت حالقىن ءبىر نيەت، ءبىر تىلەكتە كۇش ۇيىستىرۋعا ىنتىماقتاستىرا باستاپ، ءورىس اشا جاڭالىق اشتى، ورتالىق قالانىڭ ءتۇرلى ىستەرى تىڭ تاريحي بەلەسكە كوتەرىلدى. 

«ورتالىق قالادا التىنى جۇزەگە اسىرۋ»، وسى زامانعى حالىقارالىق قالا قۇرۋداي تىڭ جورىق جانە ءار ۇلت جۇرتشىلىعىنىڭ جارقىن تۇرمىسقا دەگەن يگى ارمانىن جۇزەگە اسىرۋدا، ءسوزسىز، «ەكىبەتكەيلەردىڭ» ناقتى زيانىن ءتۇسىنۋىمىز كەرەك. «ەكىبەتكەيلەر» قالىڭ كادرلار اراسىنا جاسىرىنعان ۋلى مەرەز ىسپەتتى، ولارعا، ءسوزسىز، اياۋسىز سوققى بەرىپ، جەر جاستاندىرۋىمىز، ازعىندارعا تيتتەي دە اياۋشىلىق ىستەمەي، كادرلار قوسىنىنان تۇبەگەيلى الاستاۋىمىز قاجەت. 

ءىشى مەن سىرتى، ءسوزى مەن ارەكەتى بىردەي بولۋ − پارتيانىڭ كادرلارعا قوياتىن اۋەلگى تالابى بولۋمەن بىرگە، ادامدىق قاسيەتتەگى ءتۇبىرلى ءمورال سانالادى. تۇتاس قالاداعى ۇكىمەت ىستەرى جۇيەسىندەگى قالىڭ كادر، جۇمىسشى - قىزمەتشىلەر باس نىسانانى تىعىز ارقاۋ ەتۋلەرى، «ۇيرەنۋ، بۇرىلىس جاساۋ، جەبەۋ» ارناۋلى قيمىلىن تۇتقا ەتىپ، باس شۋجي شي جينپيڭ ورتاعا قويعان «ابسوليۋتتى ادال بولۋدى، پاك، كىرشىكسىز بولۋدى، جاۋاپكەرشىلىكتى باتىلدىقپەن ارقالاۋدى» پارىز، بورىشىن وتەۋدەگى ماڭداي الدى ساياسي جاۋاپكەرشىلىك ەتۋلەرى، قالىڭ كادرلاردى ستيلدە ءتۇبىرلى بۇرىلىس جاساۋعا قاراي جەبەۋلەرى، «شىنايى ادام بولۋ، شىن ءسوز سويلەۋ، ناقتى ءىس تىندىرۋدى» ءار دارەجەلى كادرلاردىڭ جۇمىس اتقارىپ، شارۋاشىلىق قۇرۋىنداعى نەگىزگى اۋەنگە اينالدىرۋلارى قاجەت.

ءبىرىنشى، پارتياعا ابسوليۋتتى ادال بولۋ كەرەك. ادال بولۋ − پارتيا مۇشەلەرىنىڭ بورىشى، پارىزى جانە جاۋاپكەرشىلىگى، اشالاپ ايتار بولساق، پارتيانىڭ باسشىلىعىنان اۋىتقىماۋ، «4 تانىم» يدەياسىن بەرىك ورناتۋ، اۋەلگى ماقساتتى ەستە بەرىك ساقتاۋ، جۇڭگوشا سوتسياليستىك شينجياڭ قۇرۋدىڭ ادال قۇرىلىسشىلارى، باتىل قورعاۋشىلارى بولۋ؛ ساياسي تارتىپكە، ساياسي قاعيداعا قاتاڭ بويسۇنۋ، «ەكىبەتكەيلەرمەن» جانە «ءۇش ءتۇرلى كۇشپەن» سوڭىنا دەيىن باتىل كۇرەسۋلەرى كەرەك. 

ەكىنشى، ۇقىقتان پاك، كىرشىكسىز، ورىندى پايدالانۋ كەرەك. ۇقىقتى حالىق ءۇشىن قىزمەت كورسەتۋگە بەيىمدەۋ، بۇكىل ىنتا - پەيىلىمەن حالىق ءۇشىن قىزمەت كورسەتۋ نەگىزگى ماقساتىن بەرىك ورناتىپ، حالىقتى وزەك ەتكەن دامۋ يدەياسىن ۇكىمەت قىزمەتىنىڭ تۇتاس بارىسىنا ءسىڭىرۋ؛ احىلاق - ءمورالدان تايماۋ، ءتارتىپ پەن زاڭنىڭ ەڭ تومەنگى شەگىنەن جازباۋ، كوللەكتيۆ پەن جەكەنىڭ قاتىناسىن دۇرىس ايىرىپ، ءتارتىپ تالابىنا قاتاڭ بويسۇنۋ، زاڭعا سانالى بويسۇنۋ، ءوز قىزمەت ورنىندا پارتيا مەن حالىققا تىڭ تابىستاردى سيلاۋعا قۇلشىنىپ، تىڭ رول كورسەتۋ قاجەت. 

ءۇشىنشى، جاۋاپكەرشىلىكتى باتىلدىقپەن ارقالاۋ كەرەك. پرينسيپكە تاباندى بولۋ، جاۋاپكەرشىلىكتى باتىلدىقپەن ارقالاۋ − پارتيانىڭ كادرلارى، ءسوزسىز، ازىرلەۋگە ءتيىستى ءتۇبىرلى قاسيەت. جارامدى دا ءونىمدى قىزمەت ءادىس - شاراسى جانە ءونىمدى قىزمەت مەحانيزمى ارقىلى پارتيا ورتالىق كوميتەتىنىڭ ءتۇرلى شەشىمدەرى مەن ورنالاستىرۋلارىن، تالاپتارىن ناقتى امالياتقا اينالدىرۋ، ءبىر ساتى ءبىر ساتىنى مىقتى ۇستاۋ، بۋىن - بۋىن بويىنشا مىقتى تياناقتاندىرۋ جاۋاپكەرشىلىك جۇيەسىن ورناتۋ، ورنىقتىلىققا كەپىلدىك ەتۋ، دامۋدى جەبەۋدىڭ ءتۇرلى شارالارىن بۇلتارتپاي دايەكتى تياناقتاندىرۋ؛ اۆتونوميالى رايوندىق پارتكومنىڭ ورنىقتىلىقتى قورعاۋداعى ءتۇرلى شارالارىن تياناقتاندىرۋدى مۇقيات يگەرىپ، ورنىقتىلىقتى قورعاۋدىڭ «كەشەندى شارالارىن» ويداعىداي اتقارىپ، قوعام جالپى جاعدايىنىڭ ورنىقتى بولۋىنا كەپىلدىك ەتۋ؛ دامۋدى مىقتى يگەرۋدەن بوساڭسىماۋ، ورنىقتىلىق بارىسىندا العا ىلگەرىلەۋدەي قىزمەت نەگىزگى اۋەنىنەن جازباي، تىڭ دامۋ تانىمىن بەرىك ورناتىپ جانە دايەكتى تياناقتاندىرىپ، ەكونوميكالىق دامۋدىڭ جاڭا قالىبىن يگەرۋگە، جەتەكشىلىك ەتۋگە سايكەسۋ، دامۋدىڭ ساپاسى مەن ونىمدىلىگىن جوعارىلاتۋدى ءتۇيىن ەتۋگە تاباندى بولۋ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، دامۋدا جاڭالىق اشۋداعى قوزعاۋشى كۇشتى اناعۇرلىم نىعايتۋ، ءسويتىپ، ورتالىق قالانى باتىس سولتۇستىك وڭىردەگى ەرەكشەلىگى ايقىن، جاسىل دا اقاۋسىز دامىعان، تىنىش تىرشىلىك كەشەتىن وسى زامانعى حالىقارالىق قالا ەتىپ قۇرىپ شىعۋعا قۇلشىنۋ كەرەك.

شينجياڭ گازەتىنەن الىندى