ءجانابىل سىماعۇل ۇلىنىڭ قازاسىنا ارناۋ

المايىق دەپ ويلاۋشەك مازاڭىزدى،
ءسىز ەدىڭىز وياتقان سانامىزدى.
ەستىگەندە كوز جاسىم تيىلمادى،
ورنى تولماس قايعىرىپ قازاڭىزدى.

قۇرمەتتەيدى حالىقتا سانالى ۇلدى،
بيلىك ايتقان تەڭ جارىپ قاراقىلدى.
ءبىز عانا ەمەس ورتالىق مويىنداعان،
ءار ۇلىت حالقى القايدى ءجانابىلدى.

كوپ ىزدەنىپ قوعامدى ۇعا بىلدىڭ،
ءوتتىڭ تالاي سىنىنان سىناعىنىڭ.
اتا جالعاپ قورعاعان شەگارانى،
جالعىز تۋعان ۇلى ەدىڭ سىماعۇلدىڭ.

حالىق پەنەن ەتەنە ءبىر ەدىڭىز،
جاكە ءسىزگە جوعارى قۇرمەتىمىز.
ءسىز تۇرعاندا بيلىكتە باسشى بولىپ،
دامۋعا قوسقان كوپ بولدى ۇلەسىڭىز.

ءبىلىم بەرىپ ساپانى ءوسىرۋگە،
ۇرپاق ءۇشىن ىزدەنىپ كۇرەستىڭىز،
جاكەڭدەي بار كوش باسشى حالقىمدا دەپ،
ماقتان ەتىپ قوعامدا جۇرەتىنبىز.

وزا شاۋىپ ءبىر ءداۋىر شىقتىڭ دارا،
تەڭەيتۇعۇن ادامدى ءبىلىم عانا.
تەڭ قارادىڭ ءار ۇلىتقا ورتاق بولىپ،
ەمەس ەدىڭ اعامىز ءبىزدىڭ عانا.

دامۋعادا كوپ قوسقان بار ۇلەسىڭ،
بۇكىل حالىق مويىنداپ باس يەتىن.
ءجانابىلدى تانىتقان بۇكىل ەلگە،
بويىڭداعى حالىقشىل قاسيەتىڭ.

جاڭا ءداۋىر وزگەرىتتى ۇرپاق جۇگىن،
ورتاق تۇلعا ادامزات ءبىراق بۇگىن.
بولشەكتەۋگە ءجانابىل قارسى تۇرىپ،
بەكەمدەدى وتاننىڭ تۇتاستىعىن.

بيىك ۇستاپ جۇڭحۋانىڭ ۇلىت ۇرانىن،
بەيبىت قوعام ەل دامىپ قۇلپىراتىن.
بولشەكتەۋگە تۋى ايقىن قارسى تۇردى،
دارىپتەدى ۇلىتتاردىڭ ىنتىماعىن.

ماقتانامىز شىقتى دەپ جۇرتىمىزدان،
جاكەڭدەي ارداگەردى ۇلتىمىزدان.
كورە الماستى دەسىڭىز باسۋشى ەدى،
بەتكە ايتا الماي سويلەيتىن سىرتىڭىزدان.

تەڭ قارادىڭ ءار ۇلىتقا بارشا ادامعا،
بىلمەسە ءىسىن ارداقتاپ قارسى الاما.
ءجانابىلدى بۇكىل ەل تانىپ جەتتى،
اتى شىعىپ شينجياڭنان حالقاراعا.

ورتاق ەدى حالىق پەن تىلەگىدە،
ەڭبەكتەرى حالىقتىڭ جۇر ەسىندە.
ءار ۇلىت حالقى ارداقتاپ ەسىمىڭدى،
جاسادىڭ جاكە حالىقتىڭ جۇرەگىندە.

بولماسادا ادامدا سانا ءبىردەي،
اۋىل مەنەن ءبىر ەمەس قالا ءبىردەي،
باسشى بولسا ەل قامىن ويلايتۇعۇن،
تىلەيمىز ءبىز بولۋىن ءجانابىلدەي.