باداق (ءماۋلىتقان) تىلەۋباي ۇلى 1951-جىلى قىركۇيەكتە قابا اۋدانىنىڭ قىزىلعايىڭ دەگەن جەرىندە دۇنيەگە كەلگەن. ارناۋلى كۋرس ماعلۇماتىنا يە. اۆتونوميالى رايوندىق پارتيا مەكتەبىنىڭ شارۋاشىلىق باسقارۋ كاسىبىن وقىعان. 1965-جىلى قىزمەتكە قاتىناسقان. كولباي اۋىلدىق بالىق فەرماسىنىڭ بۇعالتىرى، ياچەيكا شۋجيى، فەرما باستىعى بولعان. 1984-جىلدان باستاپ كولباي اۋىلدىق پارتكوم جوراسى، اۋىلدىق ۇكىمەتتىڭ ورىنباسار باستىعى، قابا اۋدانى ەڭبەكپەن كاسىپتەندىرۋ-قامسىزداندىرۋ مەكەمەسىنىڭ باستىعى، قابا اۋدانى ازىق -تۇلىك سەرىكتىگىنىڭ ديرەكتورى بولعان. 1993-جىلدان 1998-جىلعا دەيىن قابا اۋدانى كولباي اۋىلدىق پارتكوم جوراسى، اۋىل باستىعى مىندەتىن اتقارعان. كەزىندە ءوزىنىڭ ەل باسقارۋداعى ەرەكشە مانەرى، نەگىزگى ساتى بۇقارالىق قىزمەتىندەگى شەبەرلىگى، شارۋاشىلىق باسقارۋداعى دارا دارىنىمەن كولباي اۋىلىنىڭ ءار ۇلىت بۇقاراسى  مەن كادرلارىن جۇدىرىقتاي جۇمىلدىرىپ، كولباي اۋىلىنىڭ ەكونوميكا قوعام دامۋىندا كورنەكتى ناتيجەلەر جاراتتى. 2003-جىلى قازانعا دەيىن قابا اۋداندىق ۇكىمەتتىڭ  ورىنباسار اكىمى مىندەتىن، 2011-جىلى قازانعا دەيىن قابا اۋداندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، تۇراقتى جوراسى مىندەتىن اتقاردى.

باداق تىلەۋباي ۇلى ءوزىنىڭ ەرەكشە ەل باسقارۋ دارىنى، شارۋاشىلىق باسقارۋ شەبەرلىگىمەن مەيلى نەگىزگى ساتىدا نەمەسە جوعارعى ورىندا مەيلى بۇقارالىق قىزمەتتە نەمەسە ەكونوميكا باسقارۋدا بولسىن قاي- قاشاندا حالىق بۇقاراسىنىڭ ىسجۇزىندىك احۋالىن، جەرگىلىكتى ورىننىڭ ناقتى جاعدايىن باسشىلىققا الا وتىرىپ، تىندىرعان يگىلىكتى ىستەرىمەن بۇقارا اراسىندا جوعارى باعاعا يە بولدى. ول اۋداندىق پارتيا قۇرىلتايى، حالىق قۇرىلتايىنىڭ ۋاكىلى بولىپ، قابا اۋدانىنىڭ كەلەلى ىستەرىنە قاتىناستى. ول كولباي اۋىلدىق حالىق ۇكىمەتىندە قىزمەت ىستەگەن تۇستا، 3 رەت ايماق جاعىنان وزات قىزمەتكەر بولىپ سايلانسا، اۋداندىق حالىق ۇكىمەتىندە قىزمەت ىستەگەن كەزىندە ءبىر رەت اۆتونوميالى رايون دارەجەلى وزات قىزمەتكەر بولىپ ماراپاتتالعان.2015-جىلى باسىلىپ شىققان «شىبارايعىر رۋى شەجىرەسىن» قۇراستىرۋ، باسپادان شىعارۋ القا باستىعىنىڭ ورىنباسارى جانە جاۋاپتى رەداكتورى.