جەڭىس مۇقامەت ۇلى 1963-جىلى 5-ايدىڭ 28-كۇنى قابا اۋدانى اقشي قالاشىعىندا دۇنيەگە كەلگەن. 1970-جىلى 9-ايدان 1976-جىلى 8- ايعا دەيىن قابا اۋداندىق 2- باستاۋىشتا، 1976-جىلى 9- ايدان 1981-جىلى 8- ايعا دەيىن قابا اۋداندىق 1-ورتادا وقىپ، ورتالاۋ ماعلۇماتىنا يە بولىپ، 1981-جىلى 9-ايدان 1983-جىلى 2- ايعا دەيىن سول كەزدەگى ساياسات بويىنشا قابا اۋداندىق زيالى جاستاردى تاربيەلەۋ اتىرەتىندە ەڭبەكپەن شىنقتىرۋعا تۇسكەن. 1983-جىلى 1-ناۋرىزدان باستاپ قابا اۋداندىق پوچتا مەكەمەسىنە قىزمەتكە تۇرىپ، پوچتاليوندىق قىزمەت ساپارىن باستاعان. سونىمەن، حات–شەك، گازەت–جۋرنال تاسىمالداۋ جانە گازەت-جۋرنالعا تىزىمدەۋ سىندى يگىلىكتى، جاۋاپكەشىلىگى كۇشتى مىندەتتى جايىلما اۋىلدىعى مەن اۋدان اراسىندا 4 جىل، تەرەكتى اۋىلدىعى مەن اۋدان اراسىندا 7 جىل ىستەپ، كەيىنگى 29 جىل قىزمەتىن اۋدان قالاشعى ىشىندە پوچتاليوندىقپەن جالعاستىرىپ،، بۇل شەجىرە 2-رەت رەتتەلىپ قايتا جازىلىپ جاتقان 2023-جىلعا دەيىن 40 جىلدىق ستاجعا يە قارت پوچتاليون بولىپ، قىزمەتتىڭ 1-شەبىندە مىندەت وتەپ ءجۇرىپ، 2023-جىلى 6-ايدىڭ 1-كۇنى داڭقپەن پەنسياعا شىقتى. جەڭىس قىزمەتتى ءسۇيىپ، بار ىنتاسىمەن ىستەپ، بۇقارا مەن قىزمەت ورنىنىڭ تالابىنان بىردەي شىققان تاڭداۋلى ازامات. ونىڭ سول قىزمەت ناتيجەسىن كورە بىلگەن قابا اۋداندىق پوچتا مەكەمەسى جاعىنان 15رەت، التاي ايماقتىق پوچتا مەكەمەسى جاعىنان 5 رەت «ىلعارى قىزمەتكەر» بولىپ باعالانىپ سيلانعان.