مۇقيات ياقيا (اقيا) ۇلى 1970-جىلى قابا اۋدانى سارتام اۋىلى سارولەڭ قستاعىندا دۇنيەگە كەلگەن. 1978−1983-جىلدار سارتام اۋىلدىق مالشىلىق جاتاقتى مەكتەپ سارولەڭ بولىمشەسىنەن باستاۋىش، 1983−1986-جىلدار سارتام اۋدىلدىق 1-ورتالاۋ مەكتەبىنەن ورتالاۋ وقىعان. 1986−1997-جىلعا دەيىن سەميا شاراۋشىلعىمەن شۇعىلدانعان. 1996-جىلى داڭقپەن جۇڭگو كوممۋنيستىك پارتياسىنا مۇشە بولعان. 1998-جىلدان 2001-جىلعا دەيىن سارولەڭ قىستاعىنىڭ قىستاق باستىعى، 2001-جىلدان 2003-جىلعا دەيىن سارولەڭ قىستاعىنىڭ بۇعالتىرى، 2003-جىلدان 2007-جىلعا دەيىن سارولەڭ قىستاعىنىڭ اماندىق قورعاۋ قىزمەتىنىڭ جاۋاپتىسى، 2007-جىلدان 2016-جىلدىڭ سوڭىنا دەيىن سارولەڭ قىستاعىنىڭ ورىنباسار قىستاق باستىعى جانە قىستاق باستىعى مىندەتىن اتقارعان. بۇل ارلىقتا 1997-جىلدان باستاپ سارولەڭ قىستاق پارتيا ياچەيكاسىنىڭ جوراسى، ورىنباسار ءتارتىپ تەكسەرۋ شۋجيى قاتارلى مىندەتتەردى قوسىمشا اتقارعان. ٴوز اۋىلىنا قاراستى بولىستە تيگەن اق وتتىق جەردەن قۇم-شاعىل الۋشىلاردى ۇيىمداستىرىپ، جىمبا، قاراسۋ، ەركەباي اعىندارىنىڭ ارتىق سۋى بىرىگىپ ۇلكەن اعىن بولىپ قالىپتاسىپ ەرتىسكە قۇياتىن قۇمدى شايىپ تابيعي كەڭ جىرا بولىپ كەتكەن اعىنداعى سۋدى ىعىستىرىپ، بۇرىنعى ورتا قورا دەڭگەيىنە قۇنى 40 مىڭ يۇان شاماسىنداعى ەكى جاعىنا 8−12 مەترلىك ەكى سەمەنت كوپىر، كوپىردىڭ ەكى شەتى مەن ورتاسىن تۇتاستىراتىن 100 مەتردەن ارتىق ءۇستى تاسجول بولاتىن شاعىلدان توسپا جاساپ، سارولەڭنىڭ قۇم ىشىنە ورنالاسقان 10 نەشە سەميا مەن جۇرگىنشى حالىقتىڭ جول قاتىناس قيىنشىلىعىن شەشۋدەي يگىلىكتى ءىس ىستەگەن. قازىر بۇل كوپىر «مۇقيات كوپىرى» اتالىپ حالىقتىڭ قاجەتىنە جاراپ وتىر. 2017-جىلعى سايلامدا جالعىزىلىك بولىپ، سەميالىق جاعدايى كەلمەگەن سوڭ، ءوزى ءوتىنىش ەتىپ اكىمشىلىك جۇمىستان شەگىنىپ، جالعاستى سەميا شاراۋشىلعىمەن شۇعىلداندى. ول قىزمەت بارىسىندا «وزات مالشى»، «ۇزدىك اماندىق قورعاۋ قىزمەتكەرى»، «تاڭداۋلى پارتيا مۇشەسى»، «ىلعار قىستاق باستىعى» قاتارلى ماراپاتتارمەن سان رەت ماداقتالىپ سيلانعان. ءبىر توعا مىنەزدى، كوپشىل، قايىرىمدى، ۇيىمدىق قىزمەتتەردى بار ىنتاسىمەن قۇلشىنىپ ىستەيتىن، تۋراشىل، سالقىن قاندى، سالماقتى ازامات.