تابىس رامازان ۇلى

اسىل اعا ءبىر تۋارى ءداۋىردىڭ،
زامان سىناپ وتكەرسە دە اۋىر كۇن.
كومپارتيا تاربيەسى ءوسىردى،
وتىنە ۇستاپ بوران-شاشىن داۋىلدىڭ.

شاقىرعاندا كوركەم نۇرلى بولاشاق،
تانىتتىڭىز تاڭعاجايىپ پاراسات.
قايدا بارسا مالشى مەنەن ديحاننىڭ،
كوڭىل-كۇيى، تۇرمىسىمەن ساناسات.

حالىق ىسىنە ءبىر جولاتا بەكىدىڭ،
حالىق ءسۇيىپ، حالىق قولداپ جەتىلدىڭ.
حالىق جۇردى جاكەڭ سالعان جولداردان،
حالىق كوردى جانابىلدىڭ كوپىرىن.

ءتالىم بەردىڭ ءوز حالقىڭا كوپتەپ سەن،
ءجون كورسەتتىڭ جاماندىقتى تەكتەپ سەن.
سان مىڭداعان جاس جەتكىنشەك وقىدى،
جاكەڭ اشىپ، جاكەڭ سالعان مەكتەپتەن.

ءىز قالتىردى داڭعىل، دانا ساناڭىز،
ءبىلىم الدى بالدىرعانداي بالامىز.
قۋانىشپەن راحىمەتىن ايتۋدا،
ۇلكەن اعا، قارتايعان اتا-انامىز.

نەتكەن دارقان، نەتكەن كوركەم پەيىلىڭ،
شەتسىز، شەكسىز ءوز ەلىڭە مەيىرىڭ.
داري بەرسىن ۇرپاقتارعا قۇتىڭىز،
جۇعىستى بوپ سىزدەگى اسىل مەيىرىم.

2024.11.28