مەن ادالبەك قاليبەك ۇلى. جۇڭگو شينجياڭ ۇيعۇر اۆتونوميالى رايونى التاي ايماعى قابا اۋدانىندا تۇرامىن .رۋىم :اباق كەرەي ىشىندە شىبارايعىر رۋىنىڭ مۇرات اتاسىنان تارايمىن (جۇزدەر > ورتا ءجۇز > كەرەي > اباق > شىبارايعىر > ﻣـﯘﺭﺍﺕ > توقسابا > قۋاندىق > تاڭىباي > تىشقانباي > كىتاباي > قاليبەك > ادالبەك).
مەن ىزدەمەكشى بولعان تۋىسىم مارقۇم اكەم قاليبەك كىتاباي ۇلىنىڭ اماناتى بويىنشا ،اكەم قاليبەك كىتاباي ۇلىنىڭ اعاسى ەرباي كىتاباي ۇلىنىڭ ۇرپاقتارىن ىزدەپ جاتىرمىن .
ەرباي كىتاباي ۇلى (تۋىلعان جىل اي كۇنى بەلگىسىز )،رۋى: اباق كەرەي ىشىندە شىبارايعىر رۋىنىڭ مۇرات اتاسىنان تارايدى .تۋعان جەرى التاي ايماعى قابا اۋدانى . ءبىر اكەدەن بەس اعايىندى بولعان (ۇلكەن اپەكەسى :رىستى كىتاباي قىزى ،ىنىلەرى: قايىرباي كىتاباي ۇلى،ءدالىباي كىتاباي ۇلى، قاليبەك كىتاباي ۇلى، قازىر ۇرپاقتارى قابا اۋدانىندا تۇرادى ).
ەرباي كىتاباي ۇلى اتامىز مولشەرىمەن 1940~1945-جىلدار ارالىعىندا ەلىمىزدەن مۇڭعىلياعا ءوتىپ كەتكەن . ول كەزدە مولشەرمەن جيىرما جاستار شاماسى بولسا كەرەك (اكەمنىڭ ايتۋىنشا قامي ،شوقشاي ،سارسەكەي دەگەن ەل ازاماتتارىمەن بىرگە جۇرىپ ەل اسىراعان كىسى بولعان ) .سول كەزدە قابادان كوشكەن اباق كەرەي ىشىندە جادىك رۋىنىڭ توقاي اتاسىنان تارايتىن ەرمۇرات دەيتىن كىسىنىڭ اۋىلىمەن بىرگە ەلۋدەي سەميا مۇڭعۇلياعا وتكەنى تۋرالى دەرەك بار (ەرمۇراتتىڭ ۇرپاقتارى قازىر قازاقستان رەسپۋبليكاسىنىڭ الماتى وبىلىسىندا دەپ ەستىدىم ) جانە ءبىر دەرەكتە ول كىسى سول جاقتا ءبىر اسكەري (سىليىڭ)باستىقتىڭ قول استىدا جۇمىس ىستەپ ،سول كىسىنىڭ قىزىنا ۇيلەنىپتى ،كەيىن ەل تىنشتالعاندا سول كىسىمەن بىرگە وسى جاقتاعى تۋىس تۋعاندارىنا كەلمەكشى بولعاندا ورتا جولدا قاتتى اۋىرىپ قايتادان ارتقا كەتىپ قالعانىن ايتادى ،سول جولى سول اسكەري باستىق مەنىڭ ۇلكەن اپايىم ىرىستى كىتاباي قىزىنىڭ ۇيىنە ارناۋلى كەلىپ وسى دەرەكتەردى ايتقان جانە اسىعىس قايتقان ەكەن .(ول كىسىلەر ەرتە قايتىس بولعانى سەبەپتى سول اسكەري باستىقتىڭ اتى مەن جانەدە باسقا دەرەكتەر بۇگىنگە دەيىن ساقتالماعانى وكىنىش ).
وسى ءبىر اكەمنىڭ اماناتى بويىنشا اتامىز ەرباي كىتاباي ۇلىنىڭ ۇرپاقتارىن ىزدەيمىن .
ەگەر اعا -باۋىرلارىم تابىلىپ جاتسا ،نە ءبىر دەرەكتەر بولسا مىنا بايلانىس نومەرىنە قابارلاسسا ەكەن .
تەلەفون (ۇيچات ): 15199547379
2020-جىلى 2-ايدىڭ 18-كۇنى