«باس شۋجي شي جينپيڭنىڭ بەدەلىن باتىل قورعاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، شينجياڭ قىزمەتىنىڭ باس نىساناسىن تياناقتاندىرۋعا نازاردى باتىل شوعىرلاندىرىپ، كادرلار قوسىنىنداعى <ەكىبەتكەيلەرمەن> باتىل كۇرەس جۇرگىزىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ جولىندا ءوزىمدى پارتياعا، وتانعا ارناپ، پارتيانىڭ، وتاننىڭ ءۇمىتىن اقتايمىن»! 

4 - ماۋسىمدا اۆتونوميالى رايون ۇيىمداستىرۋ جۇيەسى بويىنشا كادرلار قوسىنىنداعى «ەكىبەتكەيلەرمەن» باتىل كۇرەس جۇرگىزۋ جونىندەگى سەرت بەرۋ جينالىسىن اشىپ، ۇيىمداستىرۋ جۇيەسىنىڭ قوعام ورنىقتىلىعى مەن باياندى تىنىشتىق باس نىساناسىن بۇلجىماي دايەكتىلەندىرۋ سەنىمى مەن بەكىمىن، كادرلار قوسىنىنداعى «ەكىبەتكەيلەرمەن» كۇرەس جۇرگىزۋ سەنىمى مەن بەكىمىن، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا وزدەرىن پارتياعا، وتانعا ارناپ، پارتيانىڭ، وتاننىڭ ءۇمىتىن اقتاۋ سەنىمى مەن بەكىمىن جاريالادى. 

پارتيالى كادرلار قوسىنىنىڭ ساياسي ساپاسى پارتيا ۇيىمىنىڭ جاسامپازدىق قۋاتىن، ۇيىسۋ قۋاتىن جانە جاۋىنگەرلىك قۋاتىن بەلگىلەيدى، پارتيانىڭ بيلىك جۇرگىزۋ قابىلەتى مەن باسشىلىق ورەسىنە ىقپال ەتەدى. كوپتەگەن فاكتتەر پارتيا مۇشەلەرى، كادرلار قوسىنىنداعى «ەكىبەتكەيلەر» ساياسي ءتارتىپتى دارىپتەمەيتىنىن، ساياسي قاعيداعا بويسۇنبايتىنىن، ءتىپتى، پارتيا ءتارتىبىن، مەملەكەت زاڭىن ەلەڭ عۇرلى كورمەيتىنىن دالەلدەدى. ولار «ءۇش ءتۇرلى كۇشپەن» اۋىز جالاسقان، زورلىقتى كۇش، لاڭكەستەر، ۇشقارى ەلەمەنتتەر اشىقتان - اشىق لاڭ سالىپ، سويقان شىعارسا، «ەكىبەتكەيلەر» پەردە ارتىندا جوبا جاساپ، قولباسشىلىق ىستەپ، بۇزاقىلارعا قولداۋ كورسەتتى، مۇنىڭ ىقپالى وتە جامان، زيانى توتەنشە زور بولدى، ءار ۇلت بۇقاراسى بۇعان قاتتى كەكتەندى. «ەكىبەتكەيلەر» الاستالماي، شينجياڭدا ماڭگى تىنىشتىق بولمايدى.

ۇيىمداستىرۋ تاراۋى پارتيا مۇشەلەرىن باسقارۋ، كادرلاردى باسقارۋ ماڭىزدى بورىشىن وتەيدى، سونىمەن قاتار، «ەكىبەتكەيلەرمەن» كۇرەس جۇرگىزۋدىڭ ەرەكشە ءارى كەلەلى بورىشىن ارقالاپ وتىر. بولشەكتەۋشىلىككە قارسى شەشۋشى شايقاستىڭ شەشۋشى جەڭىسىنە قول جەتكىزۋ كەزەڭىندە بۇكىل رايونىمىزدىڭ ۇيىمداستىرۋ جۇيەسى اتويلاپ الدا ءجۇرىپ، جاۋاپكەرشىلىكتى باتىل ارقالاپ، باتىل شايقاس جاساپ، كادرلار قوسىنىنداعى «ەكىبەتكەيلەرمەن» تاباندى، باتىل تۇردە بەتپە - بەت كۇرەس جۇرگىزىپ، وسىنداي ۋلى وسپەلەردى پارتيا مۇشەلەرى مەن كادرلار قوسىنى اراسىنان اجىراتىپ الىپ شىعىپ، الاستاپ، قوسىنىمىزدىڭ قاشاندا باي جاسامپازدىق قۋاتقا، ۇيىستىرۋ قۋاتىنا، جاۋىنگەرلىك قۋاتقا يە بولىپ، ءار ۇلت حالقىن ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا باستايتىن پارمەندى ۇيىمدىق كەپىلگە اينالۋىنا مۇمكىندىك جاساۋى كەرەك. 

«4 تانىمدى» مىقتاپ ورناتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ساياسي سەزگىرلىك پەن ساياسي پارىقتاۋ قۋاتىن ارتتىرىپ، «تورتتە ورتالىق كوميتەتكە قاراپ ساپ تۇزەپ»، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن تاباندى تۇردە وسكەلەڭ ءبىر اۋىزدىلىقتى ساقتاۋ كەرەك. «ەكىبەتكەيلەردىڭ» اۋىر زيانىن ونان ارى جىعا تانىپ، كۇرەس تانىمىن كۇشەيتىپ، كۇرەس ارقاۋىن شيراتىپ، قوسىندى ۇزدىكسىز كىرشىكسىزدەندىرىپ، بولشەكتەۋشىلىككە قارسى كۇرەس جۇرگىزۋ قابىلەتى مەن ورەسىن ءوسىرىپ، بولشەكتەۋشىلىككە قارسى كۇرەستىڭ تىڭ جەڭىسىنە قول جەتكىزۋ كەرەك. ورنىقتىلىق جالپى جاعدايىنا شىن مانىندە نازار اۋدارىپ، ورنىقتىلىق جالپى جاعدايىن جىعا تانىپ، ورنىقتىلىق جالپى جاعدايىن كوكەيدە ساقتاپ، ورنىقتىلىق جالپى جاعدايىن ايگىلەپ، ورنىقتىلىق جالپى جاعدايىنا قىزمەت ەتىپ، پارتيا ورتالىق كوميتەتى مەن اۆتونوميالى رايوندىق پارتكومنىڭ قوعام ورنىقتىلىعىن قورعاۋ، ۇلتتىق بولشەكتەۋشىلىككە قارسى تۇرۋ جونىندەگى شەشىمدەرى مەن ورنالاستىرۋلارىنىڭ تياناقتاندىرىلۋىنا شىنايى كەپىلدىك ەتۋ كەرەك. كوممۋنيستەردىڭ سەنىم بيىگى مەن رۋحاني مەكەنىن باتىل قورعاپ، اينىماس ادال، تەرەڭ سەنىمدى بولىپ، ءوزىن پارتياعا، وتانعا ارناۋدىڭ، پارتيانىڭ، وتاننىڭ ءۇمىتىن اقتاۋدىڭ مۇقالماس جىگەرىن شىڭاۋ كەرەك. 

كادرلار قوسىنىنداعى «ەكىبەتكەيلەرمەن» باتىل كۇرەس جۇرگىزۋدە ۇيىمداستىرۋ جۇيەسى جاپالى مىندەت، اۋىر جاۋاپكەرشىلىك ارقالاپ وتىر. بەرگەن سەرتىمىزدى قۇرىشتاي بەرىك ادالدىقپەن، جاۋاپكەرشىلىكپەن ورىنداپ، پارتيا 19 - قۇرىلتايىنىڭ جەڭىسپەن اشىلۋىن پارتيا قوسىنىن كىرشىكسىزدەندىرۋدىڭ، ساياسي ەكولوگيانى تازارتۋدىڭ ۇزدىك ناتيجەلەرىمەن قارسى الايىق!

جاۋاپتى رەداكتورى : نۇربولات قابىل ۇلى

كەلۋ قاينارى: شينجياڭ گازەتى

http://kazakh.xjdaily.com