11-تامىز، اۆتونوميالى رايوندىق قارت كادرلار كەڭسەسى، ايماقتىق قارت كادرلار كەڭسەسىنىڭ ۇسىنىسىمەن جۇڭگو قارتتار عىلىمي زەرتتەۋ ورتالىعىنىڭ ماماندارى اۋدانىمىزعا كەلىپ تەكسەرۋ زەرتتەۋ جۇرگىزىپ كۋرىس اشتى، بۇل رەتكى كۋرىستىڭ مازمۇنى قارتتاردىڭ ۇقىق-مۇدەسىن قامتاماسىزداندىرۋ احۋالىن توراپتا سۇراۋ قاعازىن تاراتىپ تەكسەرۋ جۇيەسىن قولدانۋ ءادىسى قاتارلى جاقتار بولىپ، ءار قايسى اۋىل قالاشىقتىڭ قارت كادرلار قىزمەتىن ىستەيتىن كادرلار ، ءار قايسى ورگاننىڭ جاپپاي تەكسەرۋ كومەكشى قىزمەتكەرلەرى بولىپ 20 دان استام ادام بۇل رەتكى كۋرىسكە قاتىناستى.
كۋرىستە، اۋداندىق پارتكومنىڭ تۇراقتى جوراسى، ۇنەمىلىك ىستەرگە جاۋاپتى ورىنباسار اۋدان اكىمى ۋاڭ جياڭتاۋ بىلاي دەدى، بۇل رەتكى كۋرىس اۋدانىمىزدىڭ قارتتار قىزمەتىن سىرتقا ۇگىتتەۋ مەن كورسەتۋگە وراي بولدى، ءارى قارتتار قىزمەتىن ىستەيتىن كادرلاردىڭ كاسىپتىك ورەسىن جوعارلاتۋعا تاماشا وراي بولدى، ول كۋرىسكە قاتىناسقانداردىڭ بۇل رەتكى ورايدى قاستەرلەپ، بەلسەنە سايكەسىپ، كۋرىسكە بار ىنتا-بەيىلىمەن قاتىناسىپ، كۋرىس قىزمەتىندە ناقتىلى ونىمدىلىككە قول جەتكىزۋگە كەپىلدىك ەتۋدى ءۇمىت ەتتى.
كۋرىستە، جۇڭگو قارتتار عىلىمي زەرتتەۋ ورتالىعىنىڭ ينفورماتسيا تەحنيكا مامانى قارتتاردىڭ ۇقىق-مۇدەسىن قامتاماسىزداندىرۋ احۋالىن توراپتا سۇراۋ قاعازىن تاراتىپ تەكسەرۋ جۇيەسىن قولدانۋ ءادىسى، تولتىرۋ تالابى قاتارلى جاقتارداعى مازمۇندارعا قاراتا، ەگجەي-تەگجەيلى تۇسىنىك جاسادى.
ۇعىسۋعا قاراعاندا، بۇل رەتكى كۋرىس ۋاقىت ەكى كۇن بولىپ، اۋدانىمىزدىڭ اۆتونوميالى رايوننىڭ قارتتاردىڭ ۇقىق-مۇدەسىن قورعاۋ ەرەجەسىن دايەكتى تياناقتاندىرۋ احۋالىن توراپتا سۇراۋ قاعازىن تاراتىپ تەكسەرەدى، سۇراۋ قاعازىنىڭ مازمۇنى قارتتاردىڭ نەگىزگى ەرەكشەلىگى، ەكونوميكالىق جاعدايى، قونىستانۋ احۋالى، نەكە جانە وتباسى، قوعامدىق قىزمەت وتەۋ، ۇقىق-مۇدەسىن قورعاۋ قاتارلى جاقتاردى قامتيدى.
اۆتووميالى رايوندىق قارتتار كەڭسەسى ۇقىقتى قورعاۋعا تەكسەرۋ زەرتتەۋ جۇرگىزۋ باسقارماسىنىڭ ورىنباسار باستىعى لي يۇڭپيىڭ بىلاي دەدى: قارتتارعا سۇراۋ قاعازىن تاراتىپ تەكسەرۋ ارقىلى ءبىر جاعىنان قارتتاردىڭ تۇرمىس احۋالى، زەينەتكەرلىك، ەمدەلۋ قاتارلى جاقتارداعى احۋالدارىن يەلەپ، بۇدان كەيىنگى مەملەكەت پەن اۆتونوميالى رايوننىڭ قارتتارعا قاتىستى ساياسات شارالاردى تۇزۋىن ساياساتتىق نەگىزبەن قامداۋ، ەكىنشىدەن، زاڭدى تۇزەتۋدى ناقتىلى نەگىزبەن قامداۋ، جەرگىلىكتى ورىن سيپاتىندىق ەرەجەنى تۇزەتۋ بارىسىندا قارتتاردىڭ تۇرمىسىنداعى ءىس جۇزىندىك جاعدايى، ناقتىلى احۋالى، قاجەتى جانە اڭىس ەتكەن ماسەلەلەرىنە نەگىزدەلەمىز.
جۇڭگو قارتتار عىلىمي زەرتتەۋ ورتالىعى ينفورماتسيا تەحنيكا ورنىنىڭ باستىعى مياۋ ۋىنشىڭ، اۆتونوميالى رايوندىق قارتتار كەڭسەسى ۇقىقتى قورعاۋعا تەكسەرۋ زەرتتەۋ جۇرگىزۋ باسقارماسىنىڭ ورىنباسار باستىعى لي يۇڭپيىڭ جانە ايماقتىق قارتتار كەڭسەسىنىڭ قاتىستى جاۋاپتىلارى بۇل رەتكى كۋرىسكە قاتىناستى.
حانزۋشادان اۋدارعان : گۇلجان قادىر قىزى
كەلۋ قاينارى : قابا اۋدانى راديو - تەلەۆيزيا مەكەمەسى
加载评论内容,请稍等......