ريزا راقان قىزى حابارلايدى: 1-قاراشا، اۋدانىمىز كورىكتى اۋىل-قالاشىق قۇرىلىسىن ارالاپ ۇيرەنۋ قيمىلىن ورىستەتتى. 
  سول كۇنى، اۋداندىق ساياسي ءماسليحات كەڭەسى پارتگرۋپپاسىنىڭ شۋجيى جياڭ جىندۇڭنىڭ باستاۋىندا، قيمىلعا قاتىناسۋشىلار ىلگەرىندى-كەيىندى ساربۇلاق قالاشىعى اشا قىستاعى، شىبار قالاشىعى شيتوبە قىستاعى، جايىلما اۋىلى ۇشقۇم قىستاعى قاتارلى جەرلەرگە بارىپ، ناق مايداندى ارالاپ كورۋ، دوكلات تىڭداۋ فورمالارىمەن اۋدانىمىزدىڭ ۇستەگى جىلعى قىستاق اينالاسىن وڭاۋ، دامۋعا قارجى قوسۋ، ورتانى جاقسارتۋ، قىستاق نەگىزگى قۇرىلعى-قۇرىلستارىن كەمەلدەندىرۋ قاتارلى كورىكتى اۋىل-قىستاق قۇرىلىسنا قاتىستى قىزمەتتەردىڭ ورىستەتىلۋ احۋالىن جان-جاقتىلى يەلەدى. 
سول كۇنى تۇستەن كەيىن اشىلعان اڭگىمە جينىندا، ءارقايسى اۋىل-قالاشىقتىڭ «كورىكتى اۋىل-قىستاق قۇرىلىسىنا» جاۋاپتى قىزمەتكەرلەرى وزدەرى تۇرعان ءارقايسى اۋىل-قالاشىقتىڭ ۇستەگى جىلعى «كورىكتى اۋىل-قىستاق» قۇرىلىسى قىزمەتىنىڭ تىڭ تۇيىندەرى مەن جەتەرسىزدىكتەرى جانە كەلەر جىلعى قىزمەت جوسپارى جونىندە تالقى وتكىزدى. جيىندا، اۋداندىق پارتكوم اۋىل شارۋاشىلى كەڭسەسىنىڭ جاۋاپتىسى اۋدانىمىزدىڭ 2016-جىلعى كورىكتى اۋىل-قىستاق قۇرىلىسى قىزمەتىنىڭ ورىستەتىلۋ احۋالىنان مالىمەت جاسادى. ۇستەگى جىلى اۋدانىمىز كورىكتى اۋىل-قىستاق قۇرىلىسى بارىسىندا، «ۇكىمەت جەتەكشىلىك ەتۋ، بۇقارا قاتىناسۋ، ءار جاق قولداۋ كورسەتۋ» مەن «الدىمەن جوبالاپ، ونان كەيىن قۇرىلستاندىرۋ، ۇيلەسىمدى ىلگەرلەتىپ، ەرەكشەلىكتى كورنەكتىلەندىرۋ» پرەنسيبى بويىنشا، عىلىمي جوبانى جەتەكشى ەتىپ، نەگىزدىك قۇرىلعى-قۇرىلستاردى كەمەلدەندىرۋدى ءتۇيىن ەتىپ، 56 ميلليون 620  مىڭ يۋاننان استام قارجى قوسىپ، تاسجول، سۋ ىعىستىرۋ، كوشەنى قورعانداۋ، قىستاقتى جاسىلداندىرۋ، تازالىق قۇرىلعىلارى قاتارلى كۇش سالا كەمەلدەندىرىپ، مالشىلاردى وتىراقتاندىرىپ، مال شارۋاشىلىعىن گۇلدەندىرۋ، بەيقۇت ءۇي سالىپ حالىقتى اۋقاتتاندىرۋ قاتارلى ينجەنەريالارعا بىرلەستىرىپ، حاۋىپتى ۇيلەردى وزگەرتىپ سالۋ، قىستاق بەت-بەينەسىن وڭاۋ، «كورىكتى اۋىل-قىستاق» تۇلعالىق دارەجەسىن جوعارلاتۋ جۇمىستارىن ىلگەرلەتتى. 
مالىمەتتى تىڭداعاننان كەيىن، اۋداندىق ساياسي ءماسىليحات كەڭەسىنىڭ پارتگرۋپپا شۋجيى جياڭ جىندۇڭ مىنالاردى اتاپ كورسەتتى: جاقىنعى جىلداردان بەرى، اۋداندىق پارتكوم، ۇكىمەت كورىكتى اۋىل-قىستاق قۇرىلىسى قىزمەتىنە وسكەلەڭ ءمان بەرىپ، قارجى ۇسىنىلىمى مەن قۇرىلىس تەبىنىن ارتتىرىپ، كورىكتى اۋىل-قىستاق قۇرىلىسى قىزمەتىندە تاڭداۋلى ناتيجەلەرگە قول جەتكىزدى. ۇستەگى جىلى اۋدانىمىز كورىكتى اۋىل-قىستاق قۇرىلسى مەن كەدەيلىكتەن قۇتىلدىرۋدان قامال الۋ قىزمەتىن بىرگە ىلگەرلەتىپ، كورىكتى اۋىل-قىستاق قۇرىلىسىن مىقتى ۇستاۋمەن قاتار، نەگىزگى ساتىنىڭ ورنىقتىلىعىن كۇش سالا جەبەدى. 
جياڭ جىندۇڭ مىنالاردى تالاپ ەتتى: ءارقايسى اۋىل-قالاشىق باسقارۋ تانىمىن كۇشەيتىپ، ينجەنەريا ساپاسى مەن باقىلاپ-باسقارۋدى قاتاڭداستىرىپ، ينجەريا بارىسىندا، كوپ تالاپ قويىپ، كوپ اۋىس-كۇيىس جاساسىپ، قۇرىلىس قىزمەتىنىڭ باسقارىلۋى مەن نىساننىڭ قۇرىلعاننان كەيىنگى قورعالۋىن شىنايى كۇشەيتۋ قاجەت؛ قوسىلعان قارجىنىڭ پايدالانۋ ارناسىن مىقتى ۇستاپ، ءىس جۇزىندىككە بىرلەستىرىپ، ءارقايسى نىسان مەن ءارقايسى قارجىنى ءوزارا قاتار قويىپ، باسەكەلىك مەحانيزىمدى شىنايى ىلگەرلەتىپ، ۇزاق ۋاقىتتىق باسقارۋدىڭ ءونىمدى مەحانيزىمىن  قالىپتاستىرۋ كەرەك، قۇرىلىستان كەيىنگى قورعاۋعا ءمان بەرىپ، جۇلدىز دارەجەلى بولىپ قۇرىلعان قىستاقتىڭ تازالىعى، قۇرىلعىلارىنىڭ قورعالۋىن باقىلاپ-باسقارۋدى كۇشەيتىپ، قۇرىلىس جۇرىلەتىن قىستاقتىڭ جوباسىن الدىن-الا جاقسى ىستەپ، جاسىلداندىرۋ قىزمەتىن ىلگەرلەتىپ، بۇدان كەيىنگى كورىكتى اۋىل-قىستاق قۇرىلىسى قىزمەتىنىڭ جاقسى ىستەلۋىنە بەرىك نەگىز قالاۋ كەرەك.