ارمانداستار

ءبىر اۋىلدىڭ تۇلەپ ۇشقان جاستارى ەدىك،
ءبىر داۋردىڭ ءمولدىرەگەن اسپانى ەدىك.
ءبارىمىز دە جازىلماعان داستان ەدىك،
ارمانداستار – قۇرداستار.

ءبىر داۋىردىڭ ءمولدىرەگەن اسپانى ەدىك،
ءبارىمىز ءبىر ءومىر جولىن باستاپ ەدىك.
ارمانداستار قايدا؟
ابزال دوستار قايدا؟
زامانداستار، قارلىعاشتار قايدا ەكەن؟

ارمان قۋعان، قييال قۋعان كەزىڭ قايدا؟!
قۇربى قىزدار، ءمولدىرەگەن كوزىڭ قايدا؟
سول العاشقى الاۋلاعان سەزىم قايدا؟
ارمانداستار - قۇرداستار.

ءبارىڭ، دوستار ءار تاراپقا كەتتىڭدەر مە؟!
الدە ءبيىك اسۋلاردان ءوتتىڭدەر مە؟!
الدە يگى ارماندارعا جەتتىڭدەر مە؟!
قايداسىڭدار، قۇرداستار؟!